Mn_SoKKaRaTy

باجر 15-1-2007 يعني الذكرى (الأولى) لوفاة أمير القلوب رحمة الله عليه.. الصراحة ومن فترة طويله ياني إيميل وفرحت واااااااااايــد من إللي مكتوب فيه ومن فرحتي دمعت عيني ونشرته وحفظته وبين فترة والثانية أفتحه وأقرى الكلام وأدعي لكويتنا حبيبتا غاليتنا ولشخينا رحمة الله عليه ولشيخنا سعد عسى الله يعافيه ويشفيه ولشيوخنا إنهم يسيرون على ماساروا عليه شيوخنا إللي قبلهم

حبّيت أنقل لكم هالكلام الحلو عن الكويت عشان تفرحون مثل مافرحت يمكن يكون أحد نقلها لكم من قبلي بس هذا مايمنع إن ننشرها أكثر وأكثر ونحطها بعين كل غبي وحاقد وحاسد

--------------------------------

----------------------

----------

---

" الكــويـت "

بـلاد الخيــــــــر والعطـاء

"يا افضل وطن يا كويت يحميج رب البيت"

--------------------------------------------------------

حينما اسقطت ديون العالم انعجب العالم بها وقاموا يطلقون على شوارعهم وهذي بعض من الشوارع والاماكن التي حصلت على معلومات عنها

--------------------------------------------------------

هذي الكويت .. هذي الكويت.. هذي الكويت صل على النبي .. هذي الكويت صل على لنبي

إهيا ديرتنا تن إهيا ديرتا تن إهيا ديرتنا وفيها إللي نبي.. إهي ديرتنا وفيها إللي نبي

--------------------------------------------------------

يوجد شارع في المانيا في ميونخ تحديدا اطلق عليه

--------------------------------------------------------

اسم الشيخ جابر وشارع اخر في برلين اطلق عليه اسم الكويتي وجد مطعم من اكبر المطاعم في هولندا اطلق عليه صاحبه اسم الكويـت

----------------------------------------------

حينما سألوه لماذا قال فضل الكويت علينا كبير وتحديدا اسرتي توجد مكتبه في لندن من اكبر المكاتب في لندن اطلق صاحبها عليها فري كويت

--------------------------------------------------------

قالو لماذا اطلقة هاذا الاسم قال اثناء تحرير الكويت انتهيت من المكتبه وعجبتني الكويت وسميته الاسم عليها يوجد جسر في اليونان مطلقين عليه اسم الكـويـت

----------------------------------------------

وتوجد منطقه سكنيه في اليونان اطلقوا عليها اسم الراحل جابر الخير

--------------------------------------------------------

يوجد نادي في دولة المكسيك مطلقين عليه اسم الكويت لأن الكويت انجزت هذا النادي واحترام لها سموا النادي باسم الدوله

--------------------------------------------------------

--------------------------------------------------------

توجد قريه في الصين اطلقوا عليها اسم الكويت لأن الكويت عمرتها من بعد الزلازل

--------------------------------------------------------

يوجد متحف علمي في البرازيل اطلق عليه اسم الكويت بسبب عطاء الكويت للعالم

--------------------------------------------------------

يوجد مجسم في كندا منحوت على شكل خريطة الكويت في احدى دوراتهم الرئيسيه

-------------------------------------------------------------------------

توجد سفينه من اكبر السفن في برشلونه اطلقوا عليها سفينة فري كويت

---------------------------------------------

توجد حديقه سياحيه من اكبر الحديق في البرتغال مطلقين عليها اسم الكويت لأن الكويت اسقطت ديون العالم

----------------------------------------------------------------------

في قطر وبـالتحديد في بن عمران توجد معصره اسمها ابراج الكويت

--------------------------------------------------------

وايضـا في قطر يوجد مطعم اسمه الجهراء

--------------------------------------------------------

واخر شي هو كتاب كتبه الكاتب مايكل ميشيل الماني الاصل كاتب اسمه

..... الـكويت من افعالها احبها الجميع.....

اشترى هذا الكتاب12 مليون انسان انجاز بحد ذاته كبير

-----------------------------------------------

حينما اسقط ديون العالم احبها الجميع وحينما اقترب منها الجميع عرفوا ان الكويت دوله من ذهب

يحميـج رب البيـت من كـل طامـع وحـاسد

يا افضل وطن بالكون انتي

--------------------------------------------------------

الله يرحمك ياشيخنا جابر الخير ويدخلك فسيح جناته يارب

--------------------------------------------------------

-------------------

---------

---

لاتندم على حب عشته...حتى ولو صارت ذكرى تؤلمك فإذا كانت الزهور قد جفت وضاع عبيرها ولم يبقى منها غير الأشواك فلا تنسى انها منحتك عطراً جميلاً أسعدك
***
لا تكسر ابداً كل الجسور مع من تحبفربما شاءت الأقدار لكما يوماً لقاء يوماً آخر يعيد ما مضى ويصل ما انقطع...فإذا كان العمر الجميل قد رحل فمن يدري ربما انتظرك عمر أجمل
***
وإذا قررت يوما أن تترك حبيباً فلا تترك له جرحاً فمن اعطانا قلباً لايستحق ابداً منا ان نغرس فيه سهماً او نترك له لحظه الم تشقيه وما أجمل أن تبقى بيننا لحظات الزمن الجميل
***
وإذا فرقت الايام بينكما فلا تتذكر لمن كنت تحب غير كل احساس صادق ولاتتحدث عنه إلا بكل ماهو رائع ونبيل فقد اعطاك قلباً...واعطيته عمر وليس هناك اغلى من القلب والعمر في حياة الانسان
***

إذا سألوك يوماً عن انسان احببته فلا تقل سراً كان بينكما ولا تحاول ابداً تشويه الصورة الجميلة لهذا الانسان الذي احببته اجعل من قلبك مخبأ سرياً لكل اسراره وحكاياته فالحب اخلاق قبل ان يكون مشاعر
***
وإذا شاءت الأقدار واجتمع الشمل يوماً فلا تبدأ بالعتاب والهجاء والشجن وحاول أن تتذكر آخر لحظه حب بينكما لكي تصل الماضي بالحاضر ولا تفتش عن اشياء مضت
لان الذي ضاع ...ضاع...والحاضر اهم كثيراً من الماضي ولحظة اللقاء اجمل بكثير من ذكريات وداع موحش واذا اجتمع الشمل مرة آخرى حاول أن تتجنب اخطاء الامس التي فرقت بينكما لأن الأنسان لابد أن يستفيد من تجاربه
***
ولاتحاول ابداً تصفي حسابات أو تثأر من انسان اعطيته قلبك لأن تصفية الحسابات عملة رخيصة في سوق المعاملات العاطفية، والثأر ليس من اخلاق العشاق ومن الخطا أن تعرض مشاعرك في الاسواق وأن تكون فارساً بلا اخلاق واذا كان ولا بد من الفراق فلا تترك للصلح باباً الا مضيت فيه
***

البنت في بطن أمها تسوي مشاكل وترفس وتسوي حركات بهلوانيه وبعدين تولدها أمها وهي تبكي وعلى فكرة صراخ البنت لما تنولد يسمعها اللي بآخر الدنيا أي مو لسانها طويل ههههه من يوم تنولد

بعكس الصبي اذا طلع من بطن امه يكون محترم ومؤدب وبلطافه مشالله على الصبيان /إمبله هيّن
-------------------------------------------------------------

ثانيا: مرحلة الرضاعة
*************

البنت اتعب أمها بشكل رهيب والولد في هذه المرحله طيب وحبوب ويقنع بالقليل والبنت ماتقنع وما يترس عينها التراب حتى الحليب البنت تشرط ان يكوون غير شكل

أما الولد مشالله عليه يشرب حتى حليب النيدو أي مو الصبيان قنوعين.. /إييي صح يصير خير
-------------------------------------------------------------

ثالثا: مرحلة الحبو
***********

البنت اذا وصلت مرحلة الحبو لازم تكلبجها أو تربط اريولها لان البنت اذا حبت تصير ركبها سود واذا حطت اريولها تلاقيها يا متكرفسه بالدرج والا غاطسه في البانيو وانتوا بكرامه والا شايفه لها صرصور وقاعده تلاحقه من مكان لي مكان عبالها حبه جاكليته...غبـــــاء

أما الولد هادي ومطيع وغالب مايحب أن يقعد قعده رومانسيه.. /مو في كل الاحيان بس هذا الغالب
-------------------------------------------------------------

رابعا: مرحلة المشي
*************

هي اخطر مرحله توصلها البنت وانصحكم ماتخلوها تروح مكان ولا حتى البقاله او محل الالعاب لان فيها تبدأ تحب الاسواق والله يعينك اذا ماسمعتني انت جرب وخليها تروح معاك للبقاله مرة وشوف شنو بتسوي لك اذا حبت تشتري حلاوة او لعبه ومارضيت تاخدها >>> صدقني تكرهك بحياتك

أما الولد طبعا هادي ومو صاحب أصحاب السوء يتصرف بأدب أو يكون بلطجي بس بأدب
-------------------------------------------------------------

خامسا: مرحلة دخول المدرسة
**************

المرحلة هذي خطيرة جدا ... صحيح البنت تروح للمدرسه تتعلم القراءه والكتابه لكن فيه اشياء جانبيه بتتعلمها بعد مع القراءه والكتابه راح تسألوني شنو اهي وشلون.... ؟؟ أنا اقولكم

البنت تروح للمدرسه ولازم انها تختلط مع بنات ثانين وبعدها تجي البنت الثانيه رابطه بكله ورديه لازم البنت تقلد زميلتها وتزعجك واااايد لين تشتري لها مثل زميلتها بالمدرسه يعني من اهني المرحله تبدا تقلد البنات
لمن الحين ماوصلنا تقليد الفنانات وغيرهم وتتبع الموضه!!! وااااو

اما الولد فاخذ انا ابي الكاب الفلاني واللعبه اللاصلية الفلانيه ..الخ
-------------------------------------------------------------

سادسا: مرحلة المراهقه
*************

وهذي المرحلة تبدأ ملاقة البنت.... ما ادري ليش البنت لمن توصل لمرحلة المراهقه
تصير مليقة ومخها يكون كبر مخ النملة وأحيانا كبر مخ البقة(البقة=البعوضة) افهمكم شلون

البنت حساسه جدا في مشاعرها.. يعني لوتبجي على بنت تحس ان مشاعرها تكسرت من كثر احساسها
وبعد لو قلت لها كلمه قويه شوي ولو كانت بسيطه او حتى مو قصدك تجرحها البنت ماعندها تفاهم على طوووول تزعل.. ليس غالبا.. أما السخافه هههههههه في انها تصدق اللي يمدحها او يتغزل فيها البنت تصدق على طول..ياحرام حتى اذا كانت جيكره فتحسب روحها احلى وحده بالمكان الي اهي فيه..خيــــر يمه هيفاء وهبي يعني.. والله حالة

وماكو داعي للكلام الحين عن الولد فهو اصبح متهورشويه وكل واحد عباله ان اهو كوووول.. والله شكلك.. مو كول
-------------------------------------------------------------

سابعا: مرحلة العشرينات يعني الشباب
*********************

المرحلة هي مرحله حلوه وايد للبنت لانها في المرحله تبدا تعدل من اوضاعها وشكلها وشخصيتها وتصير راكزه وتبدأ تعقل شوي.. بس المشكله مو اهني..؟؟!! عيل وييييين

في هذي المرحله الله يسلمكم كلنا نعرف ان البنت تصير مضطره لتزين روحها احسن زينه
وتروح مع امها وين ماراحت عشان يشوفونها الخطابات ههههه يعني ضروري تسوي عرض لسلعة نفسها..؟ طبعا ضروري

والبنت اذا انحرفت في المرحلة هذي تنحرف بعنف والى الهاوية واذا التزمت شوي...تتسنع وبعد في هذي المرحلة تطلع مواهب البنت اللي( تخيط والا فنانه في تفريك الصحون والاّ محترفه في إنها تخم البيت والااختصاصها غسيل وكوي الهدوم يعني مواهب حلوووووه ......) .. لا والأك تمشي وتمدح فيها بنتي السنعة وذوق بنتي إينن وفاتحة مشغل لها ماشاءالله عليها ولاّ ذاك اليوم طبختلنا خوووووش مجبوس دياي يعني غصب تخلّي بنتها ست بيت سنعة وهالبنتماتعرف كوعها من بوعها.. ترى والله مادري شتسوى عليها إذا أكتشفوا غير إللي قالته لهم.. والله حالة هالحريم.. هذا كله زمان أول بس الحين اختلف لان البنت الزينه في نظرهم اهي اللي تقلد الناس الثانية بس للاسف الشديد على ما أعتقد ان مافي بنت الان في عصرنا هذا تتوفر عندها هذي المواهب!!.. إلا ماندر وهذول تلقونهم مساكين محّد يدري عنهم لأن الشين عم على الزين كله وماقمنا ندري منو البنت الزينة من الشينة .. شكّينا بالكل

لا والولد في هالعمر يكووون تححححفففففه عاد السنع عند الشباب اهو اللي يركب سياكل ولا يشفط ويقحص بالشوارع واللي يبتون عاااد اسكت هذا التووب عندهم
-------------------------------------------------------------

ثامنا: مرحلة الزواج
*************

وهذي المرحلة بداية تعاسة الريال.. ماتيي المصايب الا من هذي المرحلة :( يدخل البيت تستقبله زوجته بريحة بصل أو ثوم او بدينها صابون ريحته تقلب الجبد طالعه من المطبخ أو تستقبله وهي مزهبه له الورقه اللي مكتوب فيها أغراض الجمعية (بصل .. خيار .. طماطم.. شامبو ضد القمل.. العيش حق تكبير الكرش ...الخ)>>> على فكره هذا كله تمهيد وبعده تكتب (مجلة سيدتي.. خاتم ذهب.. ساعه الماس .. جنطه جلد حيه .. تغييرات اثاث البيت.. روح للمشغل طلع بدلتي.. ولاتنسى تعطيني جم اميه دينار حق السووق)>> بعد كل هالطلبات>>>تروح السوق...وااااي ..يا الله لا تبلينا واياكم
-------------------------------------------------------------

تاسعا: مرحلة الامومه
****************

في هذي المرحلة تبدأ المشاكل بين الزوجين.. يعني الريال اللي عنده صبيان واايد هذا اوقف له وقفة احترام وتقدير لانه صابر على زوجته ..مع انها مالها شغل افقيره

في المرحلة هذي تلاقي الريال يحاول ينحاااش من البيت واايد ولكن وين راح يقدر ينحااش خو المره وراه وراه و تطلعه من تحت سابع ارض وين مايروح تلقايه.. واذا قعد الريال في البيت تلقى ويهه احمرر من الصراخ واذا طلع من البيت ينشرح صدره ويرتاح ...وعليه والمره راسها يصدع ودها تنحااش بس الريااييل ما خلو شي لها لاحظوا ابووكم اذا قعد بالصاله بين هالصراخ شلوون نفسييته...؟؟ اكييد تكون نفسيتهم زييييرووووو يعني صفر أو تحت الصفر بعد
مثلا الزوج يقعد مع زوجته وإييك ولده الصغير يلعب بالكرة ويشوتها على راسه (طااخ) واااي وينكب عليه الجاي والريال معصب والام تقول خله ياهل توه صغير شفيك تحط حرتك فينا يعني شنو الواحد يلاقيها منك ولاّ من هاليهال والبيت قطييييعة

واذا صار الريال يبي يحاجي مرته شوي يلاقي سماعة التلفوون معلقه باذنها ومعاها جيس حب وتقرظ فيه وتلف يمين ويسار.. حسبي الله ونعم الوكيل يقولون ان الزوج بلوه ولما تخلص الزوجه واييي الزوج يحاجيها تلقون بدينها مخمه تخم الأرض ..ياربي ويقولون الرياييل ليش ما يعطونا ويه ..يعني يايها بوقت التنظيف شرايك!!.. تقل شغلها وتجابلك ويقولون بعد البيت وصخ.. والله حاله مافهمناكم يالرياييييل مادري شتبون
-------------------------------------------------------------

بالنهاية أشكركم على حسن المتابعة وآسفة طوّلت عليكم والله ماكو فايده لامن الرياييل ولا من الحريم خو اثنيناتهم بلوه ..مصيبه مايدرووون شيبووون بس يدورون أغلاط بعضهم ومايشوفون محاسن بعضهم.. الله يهدي الجميع ويسخّرهم لبعض ويسعد كل أثنين ويبعد عنهم المشاكل..قولوا آمييييييين


//منقول من واحد ممكن إن ماعنده شغل غير الحريم حاط دوبه دوبهم.. لووووول..//وذلك بعد النتقيـــــح//