Mn_SoKKaRaTy

Tuesday, March 27, 2007

وحيــــــــــــــــده



---------------oOo---------------
---------------oOo---------------

Friday, March 23, 2007

تعريــــــــــــــــفات




الطلاق

شركة أفلست بعد أن نفذ رصيدها من العواطف
***
الخجل

فرصة نادرة تتيح للفتاة أن تبدو متوردة الوجه بدون استخدام المساحيق
***

المؤتمر

وسيلة منظمة لتأجيل إصدار أي قرار
***
الصدق

قارة لم تكتشف بعد
***
الشائعة

طائرة أسرع من الصوت
***
الزوجة الغيورة

امرأة تضع السم لزوجها في الكأس ثم تشربه
***
الأحول

إنسان له وجهتا نظر في آن واحد
***
القاموس

كتاب وضعه العلماء ليعتمد عليه الجهلاء ويبقوا على جهلهم
***
السفير

إنسان له شفتان يتحرك بينهما لسان شعب بأكمله
***
الصمت

أروع حديث بين الأصدقاء
***
الأمل

الطعام اليومي الذي يقتات به الجوعى أيا كان نوعهم
***
العاقل

رجل يستشير زوجته ويفعل عكس ما تقول
***

النظرة

لغة عالمية لا تحتاج إلى ترجمة
***
الحرب الباردة

ابتسامة امرأة لامرأة أخرى

***
الإنسان
كائن من التراب خرج وعلى التراب عاش ومع التراب تعامل وإلى التراب سيعود
---------------oOo---------------
---------------oOo---------------

Wednesday, March 21, 2007

يوم 21-3-2007

بمناسبة عيد الأم بل أسميه عيد العائلة لأن همّن أبوي ماقصّر معانا ومابي أهضمه حقه كل واحد فيهم ضحى بنفسه عشانا وكل واحد فيهم سوّى المستحيل عشان نعيش مرتاحين بهالدنيا.. فبهالمناسبه أحب أقول عسى الله يخليكم لنا ولايحرمنا منكم وعساكم دوووم عالقوة وطولة العمر لكم ان شاءالله ..من طلعنا على هالدنيا وانتوا تسهرون على راحتنا وماقصّرتوا ليييين كبرنا واشتغلنا وحققنا كل إللي محتاجينا ورفعنا راسكم وآن الأوان إنكم ترتاحون واحنا نسهر على راحتكم

----------------------------------------------

عسى الله يخلي كل أم وأبو لعيالهم وياجماعة والله مافي أحسن من رضى الوالدين ومهما كانو متضايقين منكم ومعصبين عليكم والله داخل قلوبهم غيـــر.. يعني أستغرب وأصلا تخنقني العبرة وأبجي على هالعيال إللي يخلون أمهاتهم وأباهاتهم بهالبيوت بروحهم أو يكونون عاقّين لهم!!.. عسى الله يهديهم ويحنن قلوبهم ويتركون بلاوي الدنيا ويعرفون عدل إن رضى الله من رضى الوالدين

----------------------------------------------

تحياتي لكم جميعا

------------------------------------




---------------oOo---------------
---------------oOo---------------

Monday, March 19, 2007

اللي ينن العالم




=======================

http://peteranswers.com

=======================



هذا الله يسلمكم اللي ينن العالم والحمدلله إن محّد صادني فيها لأني كنت أسمع سوالفه ومحد قدر يصيدني


طبعا آنا الشريرة اشتغلت على العالم لااا وعندي بالدوام سووها بواحد صدّق شلون اسألوا بيتر سؤال حق هالشخص جان يطلع الجواب (الخدعة) في إنك يافلان روح الحين المكان الفلاني وتلقى شغله.. وراح ويلقى شغله ولاّ ورقة مكتوب عليها راح تصيرلك مصيبه..وصدّق لوووووووول ..تدرون من باجر شنو سوا يابله مسباح وقعد يسبح الحمدلله والشكر ويصارخ هذول شعوذه أعوذ بالله منهم ومادري شيخربط.. والله حالة عاد تدرون إن هالآدمي (خرّيييييييييييييييج أمريكاااااا).. للأسف..عقول


لكن هالخدعة والله شي عجيب صج فنان إللي مسويها لااا وانتشرت بشكل فضيع بكل مكان وبسرعة عجيبه بس أكثرها خراب بيوت ومشاكل محّد كان يتصورها.. والله ..صارت في ناس وكان بيتهم بيخترب ومومقتعين انها خدعة لااا وأكثرهم رياييل اللي شاشوا وعصّبوا تدروووون لييييش؟؟!! عشان خافوا يطلّع فضايحهم قبل زواجهم عند حريمهم.. والله حاله


لا وبعد ذاك اليوم سوّيناها بأخوي مسكيييين مصّدق حدّه والمشكله إنّا قاعد نكتب السؤال بالعربي بأحرف انجليزي إييي ليشش مصدّق مادري؟؟... قالنا سئلوه شنو لوني؟؟ مسكين يعني طالع فيها يقول يله بشوف شلون بيشوفني ويعرف لوني؟! كتبنا السؤال شنو لووون حمّوووود يابيتر؟ ولاّ الجواب أجلح أملح.. لووووووول قام يصرّخ ويناقز بالصاله شلوووون والله شرييييير


هذا بعد سويناها بخواتي وأهلي قامو يصرخون مثل ما انقص عليهم بخدعة ديفد جان تذكرون مالت الجنجفه.. صج ناس تضحك وناس اتخرب بيتها ياناس


إييي نيسيت أقولكم أختي بعد من كثر ماهي منصدمة يعني بتجكنا تقول سألوه شنو اسم أم زوجي؟؟ وقالها استخفّت..لووووووووووول




بالنهايه لوووووووووووووووول عليهم وبرافو يابيتر




---------------oOo---------------
---------------oOo---------------

Saturday, March 10, 2007

حزني الكبير








فيني حزن كثير مدري من وين أبتدي


ولاني عارفه شاللي بالضبط أبي


مجروحة جرح كبير متى تحن علي يالفرح وتجي


الناس تحسدني دوم مدري مني وش تبي


تبي حزني!! خلتاخذه وترتاح روحي


مدري متى السعاده تجي وافرح للأبد


وينج يانفسي السعيده إنتظرتج ليه مانتحد


ننسى الماضي الحزين كله وللأبد


ساعديني وخليني أترك الدنيا وأفرح فباقي عمري


طلبتج ومادريت إنج تعانين مثلي


مادريت إنا على نفس الطريج نمشي


حسبتج تقدرين لقيتج أكثر مني تحتاجين


السعاده والفرح والشوق والحنين


وينك يازمن كنا فيه صغار مانعرف الأنين


ولا ندري وشهو الكدر ولا الحزن وين


الله يادنيا وين خذيتينا بعيد وين


ليتنا نعرف طريق المحبه بالتحديد


ونعيش الحياة بدون إنتظار ولا نحاتي هم جديد


خلص الحكي وماخلص أنيني


متى ترجعين ويوقف حنيني


أحبج وفقدتج أبيج ترجعين


ترجعيلي نفسي الأوليه واللي فقدتها من سنين


مطلوب دوم أبتسم يانفسي


والقلب عيا لا يطيعني


تعبت أنتظر ياليتج ترجعين


نعيش باقي العمر ونتقاسم الشوق والحنين


ونصير أنا وانتي على ظلم السنين


---------------oOo---------------
---------------oOo---------------

Friday, March 02, 2007

مامعنى الورد

--------------------------------------------
لغه الورود لغة عالمية، يفهمها كل بني البشر بمجرد التعامل بين بعضهم بلغة الورود، ينقصنا ان نتداولها فيما بيننا فوردة واحدة تغني عن اغلى الهدايا
--------------------------------------------
--------------------------------------------
بعض الرموز التي تعنيها الورود عند تقديمها
---------------------
اذا كانت الوردة تميل الى اليمين: فهي تعني...انا
اذا كان ميلها نحو اليسار: فهي تعني...انت
واذا قدمت الوردة باليد اليمنى فهذا جواب ايجابي
اما اذا قدمت باليد اليسرى فيدل هذا على جواب سلبي
--------------------------------------------
-------------------------------
قديما استخدمت النساء الورود كنوع من الزينة
---------------------
اذا وضعت المرأة الوردة فوق قلبها فهي بهذا تريد ان تقول...انا احب
وعندما تزين شعرها بوردة فهذا يدل على الحذر والاحتراس
اذا وضعت في معصمها وردة فهذا رمز للصداقه او للذكرى
--------------------------------------------
-----------------------------
لالوان الورود معان ودلالات منها
-------------------
اللون الحمر الداكن يعني...افتقدك كثيرا
اللون الاصفر يعني...أنت شمس حياتي
اللون الوردي يعني...اعشقك
اللون الابيض يعني...اؤمن بعفتك وطهارتك
اللون البرتقالي يعني...صديقك المخلص والوفي
اللون البنفسجي يعني...أتمنى لك كل السعادة والتوفيق
اللون الازرق يعني...سأبقى إلى جانبك حتى الموت
--------------------------------------------
--------------------------------------------
اما اعداد الورود فلها دلالات اخرى منها
-----------------
الورده الوحيدة ..... انت كل شئ لي
الوردتان........ لن نفترق
أربع وردات.........اشكرك
سبع وردات ....... انا احبك
ثمان وردات ....... انا مخلص لك حتى الموت
عشر وردات...... هل تتزوجيني
---------------oOo---------------
---------------oOo---------------