Mn_SoKKaRaTy

Friday, April 28, 2006

أرشيف من الماضي

يتني فترة هبّيت فيها بشغلة وطبعا قاموس تسجيل البدليات من سنة 1994 ... خو تدرون خو سن مراهقة وفرااااااغ.. فكّرت حزتها إني أحطلي دفتر خااااااص بهالشي وفعلا قررت ثم نفذت أبدعت أوبس أقصد مو آنا إللي أبدعت العايلة الكريــــمة الله يحفظهم كلهم نفـــر نفــر (على قولة خياط فرعنا) أهم إللي أبدعوا وماننسى دور الناس (الشعب الكويتي) بترس
(*^_^*) هذا الدفتر معاهم وطبعا ما أنسى نفسي

عاد آنا الله يحفظني ما أصدق خبر وما أقصّر أمووووووت عالتصيّد .. أمشي وأتصيد بدليات الناس إللي بهالمجمعات أو أي مكان أروحله حتى لو عزيمة أو حفلة مايهمني المهم البدليه انقطّت جدّامي وخلاص بغض النظر عن الشخص والمكان.. عاد أخذوا وشكّوا منها أشكال وألوان + بدليات العايلة المذكورة أعلااااااه والمتوفرة بكثثثثثثثثثرة

فشسويت الله يخليني (حشى رئيس دولة) ترست الدفتر السابق ذكره بكل بدليه سمعتها وبعد الكل كان متعاون معاي في تسجيل هذا الأرشيف المتواضع عشان أدخل موسوعة غينيس من أوسع أبوابها عفوا غلافها :)

بس الحمدلله إني ما تأثرت وااااايد بهالبدليات إللي كانت تارسة مخي وتفكيري 24 ساعه (خو على قولة المثل من عاشر القوم 40 يوم صار منهم) هاهاها فما بالكم باللي يسمع ويحفظ ويسجل بعد(الله ستر)... فعشان جذيه خفففففتتتتتت وضربت الصمت وما أتكلم إلا عايدة الحجي براسي ألف مرة قبل لا أقوله.. لأن من كثر ما آنا أتصيّد عليهم ناطرين مني الزلّه.. بس شييييي سكّرة ماينخاف عليها عامله حسابها :)

:وألحين أقدم لكم بعض من البدليات العنييييفة

** داري يروس ------> راسي يدور ...أعرفكم ببدلية أختي

** سيارتك أحمر ------> سيارتك حمرة ...هذي إللي قاطّتها انقلبت فارسية راح أسحب جنسيتها

** ضروعي تعورني ------> ضلوعي تعورني ...شنو عاظ لسانك

** دح بليك ------> دح بريك ...الأخت ردّت بيبي

** قاعدة أتحشّه ------> قاعدة أتحجّى {أتكلم} ...مادري يمكن كانت تحش والله فضحها بهالبدلية لوووووول

** أقولكم شي الشطح هذا مصطلح يديد حق (السطح) ماسمعت فيه جان سمعتوا انتو مادري!! ...بس تدرون شكله خوش شي حق البيت اليديد .. ترى حجزت الفكرة قبلكم مو تقلدوووون .. حقوق الطبع محفوووووظة

** زفتها خط ------> خطها زفت ...مادري شعلّق عليها معلقه على روحها

** أصابغج مظفّره ------> أظافرج مصبّغه ...هالبدلية شكثر نقولها احنا يالبنات مادري ليش من العيله إللي فينّا

** وبعدون ------> وبعدين ...هذا واحد معصّب ليش أسجّل بدليته إللي قبل هذي جان يقول قنبلة بعدها .. والله حالة انت معصّب اسكت وايد أحسن ترى أترس قاموسي منك

** ظعرها شويل ------> شعرها طويل ...عاد هذي ماتترقع

** {FULL} الطيارة فول ------> الطيارة فل
...تصدقون قالولي حمص بس ماصدقّت

** هم جاذا ------> جم هذا ...هي هي هذي بدليتي ... فشيلة والله.. لو كنت بروحي مع الكاشير (*^_^*) ممكن بس الأوادم طابور وراي فطسوا علي من الضحك
** أحاشيش ------> أحاجيج ... هذي الحرمة سمعتها بالسوق تنادي بنتها الظاهر محششه وآنا مادري أستغفر الله هالناس تفضح عمرها من غير ماتحس

** وحدة تقول حق أختها عطيني مسّوحة ------> يعني مسّاحة ...تكفين شمسويا بدنيتج

** قصري الباب وسكري المسجل ------> سكري الباب وقصري المسجل ...لاحول ولا قوة إلا بالله انقلبت دنيتنا ياجماعة

** مهيّف ------> مكيّف ...هذي بدلية أمي شكثر تقولها بالصيييييييف

** أكو وحدة من كثر مو عاجبتها البلوزة قالت لأمها حلوة هالببيزة هذي تينن ...تكفين لو ساكته وايد أحس ماتترقع والمشكله الكل سمعها وضحك عليها

** عساج بخيره ------> عساج بخير ...الحمدلله والشكر من السنع إللي أهو فيه شاد حيله بيسأل عنها.. خنت حيلي والله.. هم لو ساكت وإهي تسأل واااايد أحسن

** خامره كفيّه ------> كاميرا خفيّه ...شوي شوي حبيبتي ترى والله الكاميرا الخفية مولاحقتج

** عبدالله مرت عايشة تزوج! ------> عبدالله ولد عايشة تزوج! ...الظاهر كانت تحبه وتبيه وماتت من الحرّه ليش تزوج ومافكّر فيها ومن كثر ماهي معصبه عطتنا هالقنبلة

** تصدقون الإنسان إذا بغى يطق واحد سنة 2006 شوفو شيسوي.. طلع شي يديد تدرون شنو يفرك خمّته بالأرض مو يفرك رمّته بالأرض ديروبالكم الأولى وايد أقوى واتعوّر هي هي

** ماشد الراجد هذا مطرب يديد هي هي لا أضحك معاكم بس راشد الماجد غيّر اسمه لماشد الراجد سبحان الله شلون مادري

** الشباب هالأيام هابّين بنفش شعورهم سبايكي وحركات الحمدلله والشكر (الهبّز)، أكو وحدة مسكينة من كثر ما هالآدمي شكله غريييييب تناديني تقولي بصوت عالي شوفي هذا شلون نافس سوسته يعني نافش شوشته

** واقفة بلعوم بعظمي ------> واقف عظم ببلعومي ...مادري شقول هم هذي معلقه على نفسها يعني بتقول الموقف حق أمي مسكييييييينة محّد رأف بحالها مسخرناها تمسخر خنت حيلي

** أكو ------> ألو ...هذا مصطلح تقولونه لما تشيلون التليفون مو تنسووووون هم هذي من حركات 2006

** هذا واحد من كثر ما يخربط.. بيصلّي بدال لا يقول الله أكبر قال ألو ...استغفر الله وينكم ووين الخشوع لاحول ولاقوّة إلا بالله ...الخبل مفضوح

** وحدة تقول من الخرعة ديري بالج لا يلف عليج الروري ------> اللوري والله مسكينة على الأقل ما شسمة البدلية أهوننننننننننن

** أصكّج على كف ويهج ------> أصكّج كف على ويهج (هي هي هي هالواحد معصب حدّة بس قط هالبدلية قلبناها ضحككككككككككك) .... أصكّج=أضربج

** وحدة بتخطب تسأل بنتج ظعرها شويل؟! ------> بنتج شعرها طويل؟! ...تكفين يعني ما تعرفين تيين تطالعين بعيونج وتسكتين لازم هالشرط.. هي هي عاد عقبها ماشفنا رقعة فيسها

** عطلة العيد الوطني بدّلوها خلّوها عتلة العيس الوطني هي هي والله حاله

** يمنك ------> يمكن هذي البدلية الله يسلمكم يمنك آآآ يمكن عادتني الله يهداها :) مرّت على بعضكم فحبيت أذكرها لكم جذيه أتحرّش في بعض ناااااااااس

** عاد أقولكم إن اللغة العربية الفحصى سهله جدا جدا والإنسان صج يفضّل إن يتكلّم بالعامية لإعتقاده بأن هاللغة صعبة.. فلا تنسونها هذي اللغة العربية الفحصى.. هي هي هي هذي بعد بتحرّش فيها ببعض ناس لووووووول

في النهاية يظل الإنسان خطّاء ولسانه يغلط بأشياء وايد منها اللهم ابعدنا عنها البدليات وإللي آنا ذكرتها كنوع من المرححححح والضحككككك ليس على الأشخاص بحد ذاتهم ولكن على بدلياتهم العنييييييفة إللي قالوها وإللي تخلّي الواحد غصبببببب يضحك.... عموما هذي مقتطفات من قاموسي المتواضع.. نراكم لاحقا..
ترقّبوا الجزء الثاني لــ أرشيف من الماضي
---------------oOo---------------
---------------oOo---------------

Saturday, April 15, 2006

شلوووون دش ؟؟؟؟؟؟؟؟ !!!!!!!!!!!

شلوووون دش؟؟؟؟؟؟؟؟!!!!!؟؟؟؟

بقولكم شي عجيب صار لي وما صار حق أحد من قبل أو سمعت فيه...

تدرون شنو؟! أقولكم..

ولله الحمد شريت سيارة فخمة بعد طول إنتظار طبعا هذا لما توظفت.. عاد شللي صار.!! استانست فيها فترة بسيطة بسسسس .. ولييي يومكم الله وكيلكم أحس إن في شي غلط بالموضوع.. ليش ياجماعة وين ما أطقها عوووويه جنّه الناس متسلطين علي شالسالفة كل من بيدعمني (اسم الله علي) مادري محترّين منها (عادي أي شي، أيّ حاجة، وأيّ كلام) مادري شقصتهم حاسديني (اللهم لاحسد) حاطّين عينهم عليها خو روحوا اشترواخو والله كلّه بالأقساااااااااط جان زين كاااااااش... المهم مابقى شي ماشكّيت فيه..

قلت أقرى عليها خنت حيلي بنيتي (السيارة طبعا) حبيبتي مادري شفيها وديتها الوكالة يقرون عليها آآآآ أقصد يتشيكون عليها فيها شي مني مناك لكن الحمدلله ماطلع فيها يني آآآ أقصد شي خربان...

ذاك اليوم دعمني واحد عمي ماشاف البريك.. آنا اخترعت شالسالفة السيارة غالية شيصلحها كلشششش مو موقته المعاش خااااالص والرصيد صفرررر والفيزا بالباي باي.. بس الحمدلله الله ستر ما صار فيني شي .. نزلت أتشيك على حبيبة قلبي شصار فيها.. ولاّ انصدمت من إللي شفته :) طبعا حمدت ربي إن السيارة مافيها شي بس زلق بسيط حسبي الله عليه خرّب منظر سيارتي بسسسسس تهقون شنو شفت؟؟؟
؟!
؟!
؟!
؟!
؟!
؟!
؟!
؟!
الصدمة...
؟!
؟!
؟!
؟!
؟!
الصاعقة....
؟!
؟!
؟!
؟!
؟!
الكارثة..........
؟!
؟!
؟!
؟!
؟!
؟!
شنو هذا؟!.....
؟!
؟!
؟!
؟!
؟!
؟!
؟!
كائن غريييييييب !!......
؟!
؟!
؟!
؟!
آآآآآآآآآآآآآآآآآآآآآآآآآآآآآآآآآ واي شنو هذا :O
؟!
؟!
؟!
؟!
؟!
طلع إللي مقبّس علي شي ما ينتوقع خلّيت الآدمي إللي دعمني و قعدت أخززز بهاللي لفت نظري وأبحلق وأسأل نفسيييييي شلووووووووووووووووووووووووووووووووووووووووووون دش هنيييييي؟؟؟؟


هي هي هي هي شي عجييييب والله .. ليلحين وآنا أسأل هالسؤال شلوووون دش بليت السيارة مادري؟!!؟

بالنهاية رحت الوكالة أورّيهم هالشي عشان يطلعونة ما يصير يقولون لازم يتغير اللّيت كلّه :( وقعدوا يضحكون علي وعلى الموضوع إللي يايتهم عشانه وظلت هالمشكلة ملازمتني ليلحين وعلى طووول... عاد شكلها بتقبس علي ولا الظاهر لأ لأن هالصرصور الملقوف مااااات واحترق..... هاهاهاي والله مسخره هالحشرات فيهم لقافة مو طبيعية شتسوا عليهم الحين .. يعني مثال هالصرصور العنيف يعني ضاقت عليه الأماكن .. خلّى السيايير كلها وما لقى إلا ليت سيارتي يدش فيه؟!! شلووووون دش؟؟ وشيطلعه؟؟! .. لا من لقافته ومن كثر ما أهو مصر على الدخـــــول بهالمكان انقطع راسه مسكين قبل لايكمل مسيرته الفنية آآآآ مسيرته الغبائية:) ... (حسافـــــة مـــــات ولا جـــــان سألتـــــه لـــــــــووووول)

لوووووول ;p بغيت أتّصل في بو راشد وأسأله بس كان الخط مشغول
رايحين للموت بنفسهم (سبحان الله منيّتهم ومكتوبه لهم)... إي والله


ويبقى السؤاااال ؟؟ شلووووووووووون دششششششش؟!!!
---------------oOo---------------
---------------oOo---------------