Mn_SoKKaRaTy
Sunday, August 06, 2006
الضحــــــــــــك
فوائد الضحـــك
يفيد الجسم والعقل **
يحقق السعادة والسلام النفسي **
يمنحك التجدد وتكون دائما في المرتبة الألولى **
يقلل من الضغوط ويخرجك من دائرة الروتييييين **
يحد من ارتفاع ضغط الدم وأمراض القلب.. اللهم احفظنا **
يزيد من قدرتك على التأمل والإسترخاء أحلى شي الإسترخاء وإنت مبتسم **
يقوي جهاز المناعة ووسائل الدفاع الطبيعية الموجودة في الجسم **
يخفف من حدة الألم عن طريق رفع مستوي إفراز مادة الإندروفينس (الذي يفرزه الجهاز العصبي السمبثاوي) للحد من الخوف والقلق والغضب
يفيد مرضى التهاب الشعب الهوائية وأزمات الربو ..عن طريق رفع نسبة الأكسجين في الدم الذي يدخل للرئة
يزيد من قدرتك على التحدث إلى الآخرين بلباقة ..الضحك العادي مو المفرط **
يطور من شخصيتك وقدرتك علي قيادة نفسك **
يجعلك تبدو أكثر شبابا وتتلألأ عينيك عندما تضحك وتصبح أكثر وسامة .. وتقرب الناس منك لأن الكل يحب الشخص المرح بس مو الأرقوز
ينمي روح المشاركة وروح العمل الجماعي **
يعطي الشخص الثقة بالنفس **
يقلل من الشخير لأنه يساعد على عدم ارتخاء عضلات الحنجرة أي شدها ..ضحكوا يا رياييل عشان الإزعاج بهالليل يخففففف
ينمي قدرة الشخص الإبداعية **
يزيد من مرونة أوعية القلب **
يرفع من روحك المعنوية **
يجعلك تفكر بشفافية **
يرفع من مستوى أدائك العقلي ومن قدرتك علي الاحتفاظ بالمعلومات لأطول فترة ممكنة ويقوي الذاكرة
يجدد الطاقة **
يقوي عضلات البطن .. يله عاد خوووش شي لشد هالعضلة إللي صارت مشكلة الجميع.. ضحكوا واستفيدوا **
تتصل بالآخرين علي نحو أعمق **
يذكرك دائماً بالصورة الأشمل والأعم في حياتك أي تفكر وترسم لمستقبلك **
يجعلك تندم علي ما فات من عمرك وأنت جاد **
وأخيراً بضحكك توتر كل من يسبب لك الضيق... هي هي هي .. لوووووول **
استمتع باللحظة التي تعيشها فــالضحك يشحذ عقولنا وأجسامنا ومشاعرنا
أتمنى إنكم استفدتوا من هالمعلومات الخفيفة والظريفة واللطيفة .. هي هي .... ودوووووم الضحكة مرسومة على ويوهكم (وجوهكم) يارب
-
posted by ana_sokkarah at 8:25 AM
.JPG)
19 Comments:
السلام عليكم .....
بوست رائع خصوصا هذه الايام التي فقدنا فيها الضحك واحساسنا بالهدوء
تحياتي
موضوع طيب تشكرين عليه اختي ...
أفدتينا وايد جعل الله ايامكم فرح وسعادة :)...
ونترقب يديدكم :) ..
بوست رائع ومفيد اختي العزيزه
خوووووش موضوع خاصتا انه في ناس وايد هالايام طاقتها بووووووووز ما ادري على شنو
بوصالح:
وعليكم السلام والرحمة .. الحمدلله على السلامة.. تو مانورت البلوقات والله
إي والله مثل ماقلت إنت إن الواحد يحتاج الهدوء والضحك :) .. ويابوصالح بعد الواحد ساعات يضحك على أشياء سخيفة بس لمجرد إنه محتاج إنه يضحك
وشكرا على هالإطراء الحلو
بوجسوم:
يامرحبا .. أهلا وسهلا :) .. العفو عزيزي ماسوينا شي بس حبينا نستفيد ونفيدكم بهالمعلومات إللي بهالوقت الواحد يحتاج إن يعرفها .. ومشكور يابوجسوم على هالدعوة الحلوة ودووووم انشاءالله يارب انتو ماتفارقكم الضحكة ولا الإبتسامة
سلامو
قلب صادق:
مرحبا فيج وحياج الله ببلوقي المتواضع جدا :) .. وانشاءالله ماتكون الزيارة الأولى والأخيرة ..
إي والله صاجة مادري شهالناس إللي طاقة البوز على قولتج يبه الإبتسامة صدقة خو شخسرانين خو ..لا وهالفترة فترة كآبة بعد والواحد محتاج يضحك .. وأهم شي إن الواحد عالأقل يبتسم بويه الناس مو شرط يضحك :) ..
مشكورة بعد عمري على زيارتج الحلوة .. وأهم مافي الموضوع إن آنا وياج من نفس البرج.. هي هي.. تحياتي
سلامو
A Bottle In The Sea!
I know that it's hopeless to write this down, but it would be so great to find what I'm looking for!
Here it goes;
I'm looking for an adult male pure breed West Highland White Terrier.
If you have one, or know someone who has one, or know someone who could help me to find one, I'll be interested in buying it!
So could you all please spread this?
I know that it's a rare breed in Kuwait, but I would love to have it, fix your price!
P.S In case you don't know how it looks like just Google it!
تسلمين عزيزتي ويعطيج الف عافيه
:)
.. تحياتي ..
على قولة المرحومه ليلي مراد
اضحك هههه
كركر كركركر
اضحك اضحك كركر
هلا وغلا والله سحلية
الله يعافيج بعد عمري مشكورة على المرور إللي عزيز علي حييييل
أهلا برّاك تصدق والله شي .. هي هي.. عاد ليلى مراد والله ماطرت على بالي بس يله نكركر ليش لأ هاهاهاهاي
زيارتك أسعدتني والله.. وحيّاك الله.. دوووم
فوائد جمه ,,
..
وكثر الضحك تميت القلب ,,
كل شي بالاعتدال حلو ,,
شكرا لهذه الفوائد ,
أهلا رحيق
إي والله صالجه كثرة الضحك تميت القلب والضحك من غير سبب قلة أدب بس وين إللي يفهم معنى الضحك عدل ويستفيد .. والله حالة هالناس .. :) ..شاكرتلج مرورج عمري وحياج الله
خووووش بوست معلومات حلوه ما قصرتي
عزيزتي
حبيبتي والله بالعكس ماسوّيت شي ومثل ماقلت من قبل آنا أحب أستفيد وأفيد بعد .. هي هي .. أشكرلج مرورج عزيزتي وحياج الله ودوووم ماتفارقكم الضحكة والفرحة أو حتى الإبتسامة
تحياتي .. سلامو
يعطيج العافيه على الموضوع الحلو والمفيد وعلى المعلومات المفيده ..وتشكرين على الاسلوب الراقي والحلو بنفس الوقت والي تخلين الواحد يتابع ويقراه كله ..ولكن كثرة الضحك تميت القلب..والي يضحك وايد راح يتعود وانا ما احسد بس ماراح يشعر بالمسؤوليه يعني شي يسحب شي وراه فالضحك له وقت محدد والجد له وقت محدد .. وما اقول لا احد يضحك ولكن نفس ما نقوول بركاااده وشكرا
حياك الله أخ عبدالله ومشكور على المرور
والله يعافيك يارب وترى آنا قلتها وايد إني أحب أستفيد وأفيد بعد شسوي أحب الخير للناس .. هي هي.. وأشكرك على هالإطراء الحلو.. وحياك الله بأي وقت البلوق بلوقكم وقت ماتبون :) .. ويا أخ عبدالله صح كلامك لكن إذا الواحد ماضحك بين فترة والثانية راح تبدأ فيه الكلآبة فأكو حل إنه إذا ماضحك يبتسم عالأقل وجه بشوش ولا مكدّر ومعبس بس ينطر الضحكة.. وعلى قولتك الضحك بركاده لأن الضحك من غير سبب قلة أدب.. وبالأخير ترى الإبتسامة هم حلوة
وشكرا مرة ثانية عالمرور والتعليق
:)
اولا العفو اختي ..وثانيا الي خلاني ازور البلوق سببين اولا اخوي عادل القلاف نصحني وثانيا اسلوبج ومواضيعج الحلوه..وانا معاج على الواحد يبتسم بكل وقت لان الابتسامه بوجه اخيك صدقه وهذي فايده للشخص نفسه وللشخص الثاني لين يشوفه يبتسم اكيد راح يبتسم معاه ..بس مشكلتنا بالكويت لين تبتسم بوجه واحد على طول يخز ويعصب تقوول سابه..واذا ابتسمت بوجه وحده تقول شنو هذا شووف ويهه..والاخت كل ويها مكياااج..يعني هذي الاسباب الي تخلي الواحد يكشر..بس هم في اشخاص لين تبتسم بويهه يبتسم بويهك..
تسلم ويسلم عادل وحياكم الله ومشكور على هالحجي الحلو بحقّي وانشاءالله أكون عند حسن ظنكم مع إني ممله ومواضيعي مو أكتبهم ورى بعض وتكون بين كل فترة والثانية بعيدة شوي لكن أتمنى إن كل شي أسويه يحوز على رضى الجميع ومن غير مجاملة .. والله يوفقنا جميعا
وبالنسبة للإبتسامة ماعليك من غيرك أهم شي يكون ويهك بشوش وانا اختك وعادي يقولون إللي يقولونه .. عزيزي آنا إذا ابتسمت بأي مكان يقولون طاع هذي شاقة الحلج الحمدلله والشكر .. وبلاوي أسمعها.. مع انها ابتسامة لكن الأغلبية يقولون ماشاءالله عليج إنتي كل مرة نشوفج فيها مبتسمة الله يديمها عليج .. فعادي طنااااش وانا اختك المهم انت شتشوف نفسك فيه .. عرفت شلون
:)
عالعموم عزيزي ارضاءالناس غاية لاتدرك ويظل باعتقادي إني أسوي إللي أبيه دامه صح ومقتنعة فيه
وتشكر جزيل الشكر أخ عبدالله على تواصلك ومرورك ببلوقي ويشكر عادل إللي اهو بعد ماشاءالله مايحتاج تعريف تبارك الرحمن برسوماته الروعة .. عساكم دووووم عالقوة يارب
Post a Comment
<< Home