Mn_SoKKaRaTy
Saturday, May 27, 2006
مرحبـــــــــــــــــــــا شلونكم (دووووم انشاءالله كلكم بخير) .. تحياتي أولا وآخرا
وعدتكم بالجزء الثاني من البدليات العنيييييفة وها أناذا أوفي بوعدي :) لأريكم ما أراد الزمن والقدر بهمممممممم
وعدتكم بالجزء الثاني من البدليات العنيييييفة وها أناذا أوفي بوعدي :) لأريكم ما أراد الزمن والقدر بهمممممممم
** إطراءاته / إجراءاته... وآنا أعتقد إن الآدمي لازم يتخذ إطراءاته ضد أي عنف أو أي شي يقابله... شكو العنف سكّرة مادري بس كلمة وطرت على بالي واللي بقلبي على لساني شسوي
** مشعور / مشروع ... هذي عاد بدليتي فشييييلة (*^_^*) لا وكنت حزّتها مصرّة إن مشعور واختي تصلّحلي بس ماكو فايدة لساني لف مادري شفيه
** أتوه تو الناس / أشوه تو الناس ... الحمدلله والشكر إللي قطّتها رجعت ماني قايلة ... تذكرون محمد المنصور بمسرحية ( بخور أم جاسم ) هي هي هي الظاهر هالأخت شايفة المسرحية وتأثرت واااايد..... لوووووووووول
** تح / صح ... لاتعليييييييييييق
** هادا / هذا ... شقول شحجي لمميمتي إهي إهي والله بيبجّوني هذول .. إهئ إهئ
** اللّبس صبحته / الصبح إلبسته ... هذي حياتها مقلوبة فوق حدر لاحول ولا قوة إلا بالله
** شحابييلي ساعت / سعابيلي ساحت ... يلوّع جبدج حتى بهذي تبدلين
** تستسخر / تستخسر ... لا ماتنلام مافي فرق كبير بين الكلمتين صح امبله ماتنلام .. هوهوهوهو
** يا بغرة / يا بقرة ... لالالا سبّي عدل عمتي مو جذيه أصلا ليش تسبّين من الأول .. هي هي مسكينه صرّخت وسبّتها وضحكت إييي مو ليش من الأول والأول تحول أوه أوه أوه شفيني صرت رباب .. هي هي
** خشني فيها / غشني فيها ... إللي مايستحي شلون خشّك فيها مابلّغت حماية المستهلك عنّه؟! .. لووووول
** يعور الجلب / يعور الجبد ... وعليّه جلبك عوّرك .. روح الطبيب يمكن يلقالج علاج حق عوار الجلب ترى الشغلة خطرة يعني لو الجبد ممكن تتعالج بس الجلب لالا يمكن يحولونك علاج بالخارج .. هاهاهااااي
** ثلاثة بإيران / ثلاثة بدينار ... هذا الله يسلمكم توّه راد من إيران وتأثّر هناك فيها بس مادري شنو شايف هناك إللي متعلّق فيها لي هالدرجة ماتطيح من لسانه .. شكلها السالفة فيها وحده .. هي هي والله فضايح خو استر على نفسك خو
** شيل اصبعها من الشوكة / شيل الشوكة من صبعها ... لاااااا تعليييييق
** خشمج دخل بحلجي / شعرج دخل بحلجي ... ويييييييييييع
** عرصتوني / رعصتوني ... عرصتوني عرصتوني عرصتووووووووووووووووووني .. لوووووووووووووول
** يبوع / يبيع ... أعرف محل يبوع خووووووووش شغلات أدلّيج عليه!! قولي لاتستحين عمري أدزلج إيميل بالعنوان
** تارسة مكياجها وجه / تارسة وجهها مكياج ... لاتعليق
** الجاهسة / الجائزة ... وآنا بالإبتدائي فزت بجاهسة حلوة حتى كانت أحلى من جاهسة رفيجتي لأنها اختارت الجائزة مو الجاهسة (الجاهسة أحلى) وهذي الجاهسة ليلحين محتفظة فيها.. أواريكم هالجاهسة ؟!! عادي غالي والطلب همبة آآآآ أقصد رخيص
** يكسر خاطرونهم / يكسر خاطرهم ... لاتعليق
** يا صموخ / يا صمخان .. ألو .. ألو .. ألو .. ؟! شفيهم مايردّون صج صموخ هذول مايسمعون.. والله معاج حق عمري.. لوووووووووووول
** عندك ريحة ريّال / عندك ريحة رجالية ... يلوع جبدك عاد ريحة ريّال .. قطع بلّه طلعلك (.......... شسمة) ولاّ (.......... هذا) عاد خووووووووووووش عطر عليهم .. ولا إذا عقب الشغل بعد!! .. ياسلام.. الحمدلله والشكر .. والله استغرب منهم الماي ببلاش والعطر حلال لكم .. استغفر الله .. وترى كلّش مو شي ارجع اطلب مرّة ثانية وتعلّم الحجي عدل .. عشان لاتلوع جبدك وجبد العالم .. ويييييييييييييييييييع
** بروح الهدوم أييب الخياط / بروح الخياط أييب الهدوم (يعني بتعدلها جان تقول بروح أييب الخياط من الهدوم) ... لاحول ولا قوّة إلا بالله.. هذي النوعية من الألسنة مو يبيلها التشفيرة العادية لاااااا.. الله يسلمكم هذي يبيلها شي لازم نخترعه لها بأسرع وقت والله حرام مو زين لها جذيه.. خنسوّيلها الإختراع ونكسب فيها أجر .. شرايكم .. هي هي .. أقولّج سكتي أحسن حبّي مؤقتا لين مانسلمج الإختراع
** لبستي الشرطة علشان ما يشفوج الحزام / لبسي الحزام علشان ما يشفوج الشرطي... لا صاج عمري ممكن إن الآدمي إسمه حزام عادي الوضع ماغلطت .. بس ترى بضحك لأنها ممكن ماتركب ومايصادف اسمه حزام فراح تكون خووووش لووووووووووووووول هي هي هي والله قوية
** سبدي سبّت / جبدي شبّت ... والله مشكله مادري شقووووووووول محتارة
** توني ماكلة ضروسي / توني مفركة ضرسي ... أولّه يعني ماشبعتي!! بلاّعة إنتي؟! .. حتى ضروسج ماسلمو منج؟! .. ترى مو زين لج لأنج بعد فترة خوفج تنقلبين آكلة لحوم البشر .. وااااااااي تكفين لاتقربين صوووووووووووبي .. أشوه ماعرفج ولا راح تقابليني بمكان إنشاءالله .. يارب ماأشوفها يارب
** حشبي الله عليك / حسبي الله عليك ... لا تتحشّبين على أحد مايصير زييييين
** احتريت من الحرة / احتريت منها ... اسم الله عليج من الحرة
** عندنا معزومين / عندنا عزيمة ... ألحين مافهمنا عندكم عزيمة ولاّ معزومين؟! قولي الصج لاتجذبين ولاّ مالج خلق تطبخين أو مفلسة ماعندج تييبين بوفيه
** ثين تثاوي / سين تساوي ... هذي مووووووووول مافيها ترقّع بالمرّة
** أشم ريوح / أشم أرياح ... شمي قلبي بس ما عطوج بمادة العربي بالمدرسة الجمع والمفرد؟؟ آآآآآ عرفت القمندة .. هذي فضحت نفسها برسوبها بمادة العربي.. آآآ فهمت القصة .. شفتي شلون آنا مشعوووووووووووووذة أعرف قصة حياتج من كلمة .. هاهاهاي شكلي بحطلي مسابقة بالمجلات بعنوان (أعرفي اسرار شريك حياتك من كلمة) أو (اعرفي ما يخبئه شريك حياتك عنك).. لووووووووووول
** آنا مو ناقصة عينك / آنا مو تارسة عينك ... الحمدلله عرفتي من نفسج إنج مو تارسة عيني .. ماشاءالله عليج اللبيب بالإشارة يفهم .. ورحم الله امرءٍ عرف قدر نفسه
** طرطرتيهم / طردتيهم ... كفو والله بنيتنا طرطرت صديقاتها من البيت .. عفية عليج .. هاهاهاااااااي
** أسمع حلجج أشق حجيج شق / أسمع حجيج أشق حلجج شق ... إي لا تسبّون .. والله حالة ناس تييب الحلج حق نفسها
** ماكل جانكسون / مايكل جاكسون ... ماشاءالله عليج شلون عرفتي معناة اسمه .. بس بسألج جانكسون هذا شيطلع؟! دزّيلي إيميل في المعنى بما إنج خبره بهالسوالف
** راستي رطبة / راسي رطب ... إذا انتي جذيه راستج رطبه آنا عيونتي تعورني .. لوووول
** نِكْشَخْهه / نكشخ فيها ... مو منج الظاهر راكب رزرايز ولاّ فراري .. كشخي حبّي الرزّه حلوة
** فريجتي / رفيجتي ... مادري شقول الصراحة كل شي جايز الرفيجة تصير فريجة عادي باجر الفريج ينقالّه رفيج ممكن بالألفيات الياية
** أبوها مدينة الترفيهية / أبوها مدير مدينة الترفيهية ... عيل أمج شنو حديقة الشعب وعمامج الأبراج وخالج برج التحرير .. يعني غصب أحنا كويتيين
** ظهرج يعوره / ظهره يعوره ... مشاءالله عليج تحسّين بالناس .. ولاّ أسحب جنسيتج هااا اعترفي
** الشالة / الصالة ... ما ألوم إللي قال شابون بدال صابون .. هاهاهاي
** أنتي من حاشاش؟! / أنتي من حاجاج؟! ... سبحان الله إللي يحشش ينفضح بهالسوالف من غير مايحس
** وين الخشوم علشان كلنكسي / وين الكلنكس علشان خشمي ... أولّه خشوم عشان كلنكس هذي وين صارت .. تصدقين أنا كلنكسي يعورني من الإنفلونزا .. لوووووووووول
** شنو هذي الريحة الخايس / شنو هذي الريحة الخايسة ... يه يه يه ريحة خايس شهالحالة .. مو قلتلك بسحب جنسيتك إنت من رحت إيران وإنت تارس حلجك بدليات
** أنشفج تنتف / أنتفج تنتف ... شنو الإخت نشّافة هدوم ولاّ كانت تغسّل هدوم.. لووووول
** ما يحسد المال إلا أحصابه / ما يحسد المال إلا أصحابه ... بس بطني يعورني من الضحك .. لا تعلييييق
** درستنا اليوم عن / درسنا اليوم عن ... شوفو درستنا أهم من درسنا أوكي سمعوا درستنا عدل
** مت عليها من الزحك / مت عليها من الضحك ... زحكي يمه زحكي إن ماسحبت جنسيتج ما أكون سكّرة
** بط شغلي بجبده / بط جبدي بشغله ... امبله صج مايستحي على ويهه
** أبي أشرب طواي / أبي أشرب دواي ... هذا وين ينباع اختي وصج إنه أحسن من الدوا ؟!
** الدائدة الزوزية / الزائدة الدودية ... هذي مدرسة العلوم لما كنت بالثانوية وأهم شي إنها قاعدة تعطينا معلومة مهمه .. زوزو يازوزو
** ما عندها إذن تصمخ / ما عندها إذن تسمع ... آنا خابرة إن الناس يسمعون من الخشم سبحان الله
** كلنا لابسين نظارات ثمثية / كلنا لابسين نظارات شمسية ... لاحول ولا قوة إلا بالله ثمثية .. هي هي لاتعليق
** يا وصيخة / يا وصخة ... وييييع وصيخة عاد لو وصخة تهون .. هي هي
** هذي وحدة تحن على أمها بالسوق تقولها يمه يمه أبي هالهنطه جان تسكت ثواني وبترد تعدّلها وآنا أراقبها .. يمه يمه أبي هنطه هم سكتت ثواني .. وآنا أضحك يوم شافت أمها مطنشتها قالت أشوه محد سمعني.. بلاها هالهنطة مابيها .. هي هي مسكينه ماتدري إني كلّي آآآآذااااان صاغية .. لووووووووووووول
** دودة / سودة ... الظاهر الأخ متعقّد من الدود وكل شي أسود يتحول بعقله الباطن ويتبرمج على إنّه دوووووووووده .. هي هي .. والله حالة
** يشهلها دبي / يسهلها ربي ... آمين يارب يشهلها عليج ربي .. ندعيلج والله
** عرفشي شلون / عرفتي شلون ... إي والله عرفشي وفهمشي بعد ياوخيتي
** هالمخمل يعور الخلب / هالمخمل يعور القلب ... سلامة خلبج حبيبتي ماتشوفين شر
** لجنة مجلمين آجيا / لجنة مسلمين آسيا ... قلنا تغلطين بكلمة بوحدة عاد بالجملة كلها .. اسمحليلي لسانج عوي ..بس ترى هذي لجنة يديدة وسمعت انها أحسن من لجنة مسلمين آسيا .. وترى باب التبرع مفتوووووووووح
** يقطع بليس وأهمه / يقطع بليس أهله ... أهمه !! تصدقين آنا رحت مع أهمي حق السوق ذاك اليوم وتعشّينا بخوش مطعم والله
** علاج بالخالج / علاج بالخارج ... أتمنى الصراحة يحولونج علاج بالخالج يقولون أحسن من الخارج والمعاملة تخلص أسرع .. الله يشافيها ويخلّيها لكم يارب ويطول بعمرها .. اللهم آمين
** حدني ابن الحدينه / حدني ابن اللذينه ... هاهاهاهاااااااي ما أقدر أعلّق خلاص مافيني تعبت من الضحك .. تعّبتوني والله
في النهاية أشكر كل من ساهم بإنجاح هذا القاموس المتواضع وابرازه بالصورة المرغوبة من العايلة الكريمة والشعب المساند دائما في السراء والضراء هي هي وأيضا ما أنسى دور البلوقرززززززز في اضافة بعض اللمسات من البدليات الحلوة .. راح أعلّق عليهم بس أتمنى إن محّد يزعل مني :) أوكــــــي
** حسون ... بلد عمّي / ولد عمي .. الظاهر عمه شاري بلد وماقال إلاّ لهالشخص.. أهو يعني سر بس الله فضحه بالهالبدليه .. صج السر لي انقال حتى حق واحد ماصار سر ..ديروبالكم لاتقولون شي حق أحد.. لووووووووول
** محمح ... شابون وصامبو / صابون وشامبو .. هذا اختراع يديد ولاّ مسمى يديد عفية قول من وين شاريه عشان أروح وأشتري منّه كمية وأبيع بسعر أعلى لأن شكله ينظف أكثر من الصابون والشامبو .. هي هي
** بوجسوم ... ضحمتينا / ضحكتينا .. عسى دووووووووووم هالضحمة يارب
** بوجسوم ... تخيل الفوق ينط عليك من جلب / تخيل ينط عليك جلب من فوق .. واااي مابي أتخيل لو جلب ينط علي أهون من الفوق .. لايحوشك الفوق أشرس .. لووووووووول
** تيستي ... جوم آند تيري / توم آند جيري .. لا صح ما غلطتي عمري هذا اسم يديد طرحته الشركة لأنها ملّت من اليديد امبله آنا واصلّي خبر عن هالموضوع .. آآآآآآآآآ طلعتي إنتي إللي مألفه الإسم !! آنا أقول منو اللي مخترع هالإسم .. لاااااا الصراحة خووووووووووش اختيار جذيه يشد اليهال أكثر
** خالد ... ليفريول / ليفرفول ... لاتعليق
** عتيجة ... نهنوف / نفنوف ... والله ذكرتيني بواحد كله يقول عسان / عشان وعلى أساس .. والله خلطبيطة ... وسسمه / شسمه .. هذي علّوقته لو شنو ما يعدلها .. لووووووووول
** مأمون المغازي ... ما ظيّبتي خننا فيك / ما خيّبتي ظننا فيك .. شفت شلون الحمدلله إني ماظيّبت خنكم فيني جان علوم .. عيل شلون لو أخيب ظنكم شتسوون .. لوووووووول
** سولو ... تموّط من الضحك / تموّت من الضحك ... اسم الله عليج عسى الموط لعدوّينج انشاءالله
** سولو ... الفحصى / الفصحى ... مثل ماقلت لكم من قبل إن اللغة العربية الفحصى أحسن من اللغة العربية الفصحى لأنها أدق في معانيها
** سولو ... تلمّين / تسلمين ... سولو يا ضروسج طاحو وانتي تكتبين البوست ولاّ قصدج ألم النقطة.. بس بأي ساحة تييب مبلغ حلو قوليلي وأروح ألمها.. تصدقون سولو عطتني فكرة أييب منها مبلغ حلو بس بعدين أقولكم شبسوي مو عالهوا جذيه لاااا .. بيني وبينكم .. هي هي هي
** سولو ... أساعدتج / أساعدج ... هاهاهااااي سولو بدّعتي والله .. تسلمين والله ماقصرتي ماعليه التاء سقطت سهوا معذورة حبي
** تشاتر بوكس ... يمنك / يمكن ... والله هالبنت كوووول تينن شوفو شلون بدّلت بذرابة .. والله الكلمة اعجبتني
أشكركم مرة ثانية والصراحة عندي وااااايد بدليات ماكتبتها بس اخترت القنابل منها وأتمنى تكون اعجبتكم ونالت على رضاكم انشاءالله محّد يزعل مني لتعليقي على بدليته
ويبقى سؤال يطرح نفسه .. ليش الإنسان مايشفّر لسانه عن الأغلاط اللفظية؟؟ سبحان الله .. إذا الإنسان عارف شبيقول ليش وقت مايتكلم لسانه يبدّل ؟؟!! .. سؤال يحتاج إلى إجــــــــــابة
-
posted by ana_sokkarah at 9:12 AM
.JPG)
23 Comments:
السلام عليكم ....
سؤالج حلو ....وافتكر السبب انه احيانا التفكير يسبق الكلام
واكثر وحدة عجبتني هي :
حدني ابن الحدينه
هاهاهاهاهه
مشكورة على البوست السكر يا سكرة :)
تحياتي
لوووووووووووووول
شكراً على الجزء الثاني :) ...
ونترقب الموضوع القادم :) ..
ترى لاعت جبدنا شوي لوووول ..
أخوكم بوجسووم ..
" ملاحظة: أنتوا مدعوين إلى ملتقى المدونين في مدونتي الموضوع ، ونتشرف بزيارتكم :) :
بوصالح:
ياهلا وغلا والله بوصالح وعليكم السلام هذي الساعة المباركة نوّرتنا والله بمرورك
جوابك ممكن ليش لأ .. والحمدلله البوست عجبكم .. وأهم شي الضحكة ماتفارقكم بأي شكل .. وآنا حبيت أضفي هالضحكة عليكم ودوووم انشاءالله الإبتسامة ماتفارقكم.. شكرا على الكلام والمرور يابوصالح وانشاءالله دووووووووم زياراتك عشان تنورنا
بوجسوم:
أهلين بوجسوم زارتنا البركة.. شكرا على المرور وأهم شي إنه (لوووووووووول) يعني عجبكم .. بس عاد أكيد خو شنو حلاو ولاّ بحط القاموس كلّه لااااا نغير جو ونرجع بعدين عاد ماني قايلة خططي لبلوقي خلوها مفاجئة وانشاءالله يعجبكم وهذا أهم شي :) .. ومشكور عالدعوة لمدونتك .. آنا زرتها وأبديت رايي فيها وانشاءالله ماتكون الأولى وراح ازور مدونتك حالا :) .. ولنا الشرف احنا يابوجسوم بزيارتك لنا والله.. عزيز وغالي
بدعتوا
شنو هذا
ماظنتي تقولون حجوه صح
ولا هذي
عندك ريحة ريّال / عندك ريحة رجالية
تفششششششششششششششششششل
هههههههههههههههههههههههه
أهلين عتّوج حبّي منورتنا والله .. إي والله على قولتج ولا حجوه عدله والله يبيلهم يسكرون حلجهم أحسن :).. مشكورة عمري عالمرور ودووووم نورينا بزياراتج وكلامج الحلو.. حياج الله
هههههههههههههه
حلووووووةة
اهم شى
يمنك
لوووووووووووووول
هلا فيك ياكظماوي ياكويتي يامزيون
عجبتك يمنك!! .. عشّون عيل حتى انتو مومـخليتكم بـحالكم .. هي هي
شكرا على المرور ياكظماوي نوّرتنا
:)
سكره الله يقطع ابليسج
امسطره بدلياتي بعععععععد
اللللللله يالفشييييييله وين أودي ويهي من البلوجرز الحين لوووووول
شكلكم تشيلون قواميسكم معاكم وين ماتروحون عشان يفهمونكم الناس لوووول
أمبييه
يوم الثلاثه كنت قاعده ادرس .. وانا اقرا الكتاب طريتي على بالي .. الله ياهي بدليات قلتها يمكن اللي يسمعني يقول شنو لغتي انا بالضبط لووول
الله يعطيج العافيه ويوفقج أم عيسى ^_^
قلولولولولولولولولولووووووش سولو ردّت ياجدعان .. فرشو البساط الأحمر والورد والنووووووون
هلااااااااااا سولو ولكم بااااااك حبّي ولهنا عليج يالغالية.. أخيرا .. ها بشري شلون الإنقطاع عنّا؟؟
إي عشّون عيل نعجبج احنا والأهل الله يسلمج آنا قاموسهم والمصحح لهم عادي تعوّدنا طبعا التصحيح يكون بعد الضحككككككككككككك هاهاهاي .. عرفتي شلون الله يسلمج.. وحسافة جان قلتيلي شهالبدليات عشان أكتبها عندي بالقاموس خو ماكو جزء ثالث خو دزّيلي إيميل فيهم بليييييييز ..
وموفقة عمري بامتحاناتج
والله يعافيج قلبي تسلمين ماقصرتي
بعدين تعالي شكو أم عيسى عن هالسوااااالف تكفين مو هنيييييييي.. ما أحب أحد يناديني بهالإسم تكفيييييييين مو هالعلّوقة
لحّد يسمعها ياجماعة مابيها تصييير علّوقتي هنييي
وحياج الله عمري نورتينا مرة ثانية وانشاءالله مو يوم دوووووووم منورتنا حياتي
ومشكورة على هالتعليق الحلو واللي اشتقناله وطبعا لج قبله
(*^_^*)
الحدنية :: عجيبه ..
انا ياكثر بدلياتي بس بالكيبورد ..
ولكن احيان اقط بدليات ماتصير ...
:) والله كريم كلنا معرضيـن للمواقف هذي
أهلا خالد
عاد اخذ وشك من أغلاط الكيبورد المطبعية خو هذي خلها على صوب .. وعلى قولتك كلنا معرضين لهالسوالف عادي .. وحسافة لو قايللي شنو هالبدليات جان سجلتها بهالبوست
عموما مشكور على هالمرور الحلو
الله يعيين إلي يقعد معاج. لازم يحط باله على كل كلمة يقولها ولا يروح فيها. ويصير باللسته!
عسى الله يديم عليكم الضكحة والفرحة. ويبعد عنكم الشر. والحمدلله على سلامة سولو :)
وبالتوفيق إنشالله
ياهلا القلاف تو مانوّر البلوق :) .. هي هي أكيد بس الله يستر من عاشر القوم صار منهم وآنا معاشرة هالتبدّل العنيييف فترة طوييييلة وأخاف من حقد الغير علي بهاللسته يدعون علي وأصير مثلهم .. لألألأ ماااابي لوووووول
مشكور على هالزيارة وهالدعوة الحلوة وموفّق انت بعد برسوماتك عسى الله لايحرمنا من فنك وعساك عالقوة
وي وي وي يا بختي كل هالترحيييييييب عشاني
يا حبيبتي والله سكره إنتي ماكو منج أثنين أبد أبد أبد .. تشتاقلج العافيه إنشالله والله حتى أنا مشتاقه واااااايد بس تدرين إنتي ما يحتاي أقوللج
الللللللله تبيني أكتبهم لج أنا زين أتذكر شنو كليت أمس هالدور تبيني أقوللج هالبدليات!!! إهي بدليااااااات ما تنعد ولا تنحصى وخلي الطابئ مستوووووووور على قولتهم أحسن ههههههه
أذكر كلمه وحده بس وكانت مكتوبه صح "التسامح" وقريتها غلط "التمساح" لووول إشياب اللي ياب الحين الماده اللي أدرسها عن تشريعات وقوانين دستوريه شياب التمساح لهم مادري !!!
والله بس أقره وأضحك إتصدقين إني قريتها كذا مره بس هم أقراها تمساح ماكو فايده
:)
إنشالله على هالخشم ما راح أقوللج <....> مره ثانيه أنا حبيت أطفرج بس إنتي ماتدرين شكثر أحب أطفركم
والبلوق منور بوجود أهله والله ما قصرتي على هالتعليق الطويل العريض وهالحجي الحلو وصاجين يوم يقولون إنتي كلج سكره يا سكره
الله يعطيج العافيه إنشالله ويوفقج قولي آمييييييين :)
سولو:
خجّلتيني بكلامج والله حبي ومادري شقول غير الله لايحرمنا من بعض وإللي قلته والله يا سولو شوي عليج تستاهلين الحجي الحلو كله
(*^_^*)
لووول
بدعتي بالموضوع صراحه
اشوه يعني مو بس انا اقط بدليات قويه
:D
يسلموو اختي عالموضوع
وعادي عادي تكبرين وتنسين
;P
.. تحياتي ..
من كثر مأقريـت البدليات بدا تأثيرهم عـلي بالكتابه ...
بـس خـوش بدليـات والله يعطيج العافيه علي هـ الجزء
سحليه:
نورتينا ياعمري وهذي الساعة المباركة تمرّيني .. ومن ناحية بدّعت فآنا مبدعة بوجود ناس تبدّل واهم الخير والبركة ولولاهم مابدّعت في هالبوست ولا باللي قبله ولا ترست قاموسي.. هي هي.. ولا تحسبين إن بس إنتي تبدلين لااااا عادي الوضع ناس وايد ويامالج من هالبدليات ضريبة قراءة بوستي .. هي هي
مشكورة على المرور ونورينا دووووم عمري :).. سلامو حبي
خالد:
لووووووووول .. الله يعينكم ويشفّر ألسنتكم .. يارب
الله يعافيك عزيزي وحياك الله وشكرا عالزيارة الثانية وانشاءالله مو الأخيرة
لوووووووول ... يـــعطيج العــافية
ترى بوستج هذا فيه فضايح متلتلة خخخ
أي اشفيج هذا (جوم أند تيري) النسخه العربية :q
يسلموو ،،،
هاهاهاي لوووووول تيستي دزّيلي النسخة على الإيميل الله يعافيج ومن ناحية البلاوي عادي بس الله يستر لا نتعادى منها
عموما هالبلاوي احتمال تنعرض للبيع في المزاد العلني.. هي هي
تسلمين عمري عالمرور نخدمج ببلوقاتج حبّي
;)
Best regards from NY! Deciding on divorce Mac removal spyware block pop up ads Pain relief overseas buy cooking schools Tramadol urine drug testing http://www.free-hardcore-gallery-1.info/artist-web-cams.html free web cams anal I pain relief Kenmore refrigerator fire Command line block ip address cisco router Amateur porno orgies aloe vera juice asthma and diadeties tadalafil medicine online carroll dental lab kingston Maine plastic surgery order ambien Live web cams at the beach wireless barcode scanners
That's a great story. Waiting for more. » »
This is very interesting site... levaquin brake discs peugeot new dodge Lancer evolution video mitsubishi Second home property management on lake martin alabama Mazda scissor bed truck celexa Buy whitebook laptops notebooks Cheapest valtrex online Four wheel drive wheelchair omega watches Freight damage appliances in los angeles Adult cartoon joke teen
Post a Comment
<< Home