Mn_SoKKaRaTy
Friday, April 28, 2006
أرشيف من الماضي
يتني فترة هبّيت فيها بشغلة وطبعا قاموس تسجيل البدليات من سنة 1994 ... خو تدرون خو سن مراهقة وفرااااااغ.. فكّرت حزتها إني أحطلي دفتر خااااااص بهالشي وفعلا قررت ثم نفذت أبدعت أوبس أقصد مو آنا إللي أبدعت العايلة الكريــــمة الله يحفظهم كلهم نفـــر نفــر (على قولة خياط فرعنا) أهم إللي أبدعوا وماننسى دور الناس (الشعب الكويتي) بترس
(*^_^*) هذا الدفتر معاهم وطبعا ما أنسى نفسي
عاد آنا الله يحفظني ما أصدق خبر وما أقصّر أمووووووت عالتصيّد .. أمشي وأتصيد بدليات الناس إللي بهالمجمعات أو أي مكان أروحله حتى لو عزيمة أو حفلة مايهمني المهم البدليه انقطّت جدّامي وخلاص بغض النظر عن الشخص والمكان.. عاد أخذوا وشكّوا منها أشكال وألوان + بدليات العايلة المذكورة أعلااااااه والمتوفرة بكثثثثثثثثثرة
فشسويت الله يخليني (حشى رئيس دولة) ترست الدفتر السابق ذكره بكل بدليه سمعتها وبعد الكل كان متعاون معاي في تسجيل هذا الأرشيف المتواضع عشان أدخل موسوعة غينيس من أوسع أبوابها عفوا غلافها :)
بس الحمدلله إني ما تأثرت وااااايد بهالبدليات إللي كانت تارسة مخي وتفكيري 24 ساعه (خو على قولة المثل من عاشر القوم 40 يوم صار منهم) هاهاها فما بالكم باللي يسمع ويحفظ ويسجل بعد(الله ستر)... فعشان جذيه خفففففتتتتتت وضربت الصمت وما أتكلم إلا عايدة الحجي براسي ألف مرة قبل لا أقوله.. لأن من كثر ما آنا أتصيّد عليهم ناطرين مني الزلّه.. بس شييييي سكّرة ماينخاف عليها عامله حسابها :)
:وألحين أقدم لكم بعض من البدليات العنييييفة
(*^_^*) هذا الدفتر معاهم وطبعا ما أنسى نفسي
عاد آنا الله يحفظني ما أصدق خبر وما أقصّر أمووووووت عالتصيّد .. أمشي وأتصيد بدليات الناس إللي بهالمجمعات أو أي مكان أروحله حتى لو عزيمة أو حفلة مايهمني المهم البدليه انقطّت جدّامي وخلاص بغض النظر عن الشخص والمكان.. عاد أخذوا وشكّوا منها أشكال وألوان + بدليات العايلة المذكورة أعلااااااه والمتوفرة بكثثثثثثثثثرة
فشسويت الله يخليني (حشى رئيس دولة) ترست الدفتر السابق ذكره بكل بدليه سمعتها وبعد الكل كان متعاون معاي في تسجيل هذا الأرشيف المتواضع عشان أدخل موسوعة غينيس من أوسع أبوابها عفوا غلافها :)
بس الحمدلله إني ما تأثرت وااااايد بهالبدليات إللي كانت تارسة مخي وتفكيري 24 ساعه (خو على قولة المثل من عاشر القوم 40 يوم صار منهم) هاهاها فما بالكم باللي يسمع ويحفظ ويسجل بعد(الله ستر)... فعشان جذيه خفففففتتتتتت وضربت الصمت وما أتكلم إلا عايدة الحجي براسي ألف مرة قبل لا أقوله.. لأن من كثر ما آنا أتصيّد عليهم ناطرين مني الزلّه.. بس شييييي سكّرة ماينخاف عليها عامله حسابها :)
:وألحين أقدم لكم بعض من البدليات العنييييفة
** داري يروس ------> راسي يدور ...أعرفكم ببدلية أختي
** سيارتك أحمر ------> سيارتك حمرة ...هذي إللي قاطّتها انقلبت فارسية راح أسحب جنسيتها
** ضروعي تعورني ------> ضلوعي تعورني ...شنو عاظ لسانك
** دح بليك ------> دح بريك ...الأخت ردّت بيبي
** قاعدة أتحشّه ------> قاعدة أتحجّى {أتكلم} ...مادري يمكن كانت تحش والله فضحها بهالبدلية لوووووول
** أقولكم شي الشطح هذا مصطلح يديد حق (السطح) ماسمعت فيه جان سمعتوا انتو مادري!! ...بس تدرون شكله خوش شي حق البيت اليديد .. ترى حجزت الفكرة قبلكم مو تقلدوووون .. حقوق الطبع محفوووووظة
** زفتها خط ------> خطها زفت ...مادري شعلّق عليها معلقه على روحها
** أصابغج مظفّره ------> أظافرج مصبّغه ...هالبدلية شكثر نقولها احنا يالبنات مادري ليش من العيله إللي فينّا
** وبعدون ------> وبعدين ...هذا واحد معصّب ليش أسجّل بدليته إللي قبل هذي جان يقول قنبلة بعدها .. والله حالة انت معصّب اسكت وايد أحسن ترى أترس قاموسي منك
** ظعرها شويل ------> شعرها طويل ...عاد هذي ماتترقع
** {FULL} الطيارة فول ------> الطيارة فل
...تصدقون قالولي حمص بس ماصدقّت
** هم جاذا ------> جم هذا ...هي هي هذي بدليتي ... فشيلة والله.. لو كنت بروحي مع الكاشير (*^_^*) ممكن بس الأوادم طابور وراي فطسوا علي من الضحك
** أحاشيش ------> أحاجيج ... هذي الحرمة سمعتها بالسوق تنادي بنتها الظاهر محششه وآنا مادري أستغفر الله هالناس تفضح عمرها من غير ماتحس
** وحدة تقول حق أختها عطيني مسّوحة ------> يعني مسّاحة ...تكفين شمسويا بدنيتج
** قصري الباب وسكري المسجل ------> سكري الباب وقصري المسجل ...لاحول ولا قوة إلا بالله انقلبت دنيتنا ياجماعة
** مهيّف ------> مكيّف ...هذي بدلية أمي شكثر تقولها بالصيييييييف
** أكو وحدة من كثر مو عاجبتها البلوزة قالت لأمها حلوة هالببيزة هذي تينن ...تكفين لو ساكته وايد أحس ماتترقع والمشكله الكل سمعها وضحك عليها
** عساج بخيره ------> عساج بخير ...الحمدلله والشكر من السنع إللي أهو فيه شاد حيله بيسأل عنها.. خنت حيلي والله.. هم لو ساكت وإهي تسأل واااايد أحسن
** خامره كفيّه ------> كاميرا خفيّه ...شوي شوي حبيبتي ترى والله الكاميرا الخفية مولاحقتج
** عبدالله مرت عايشة تزوج! ------> عبدالله ولد عايشة تزوج! ...الظاهر كانت تحبه وتبيه وماتت من الحرّه ليش تزوج ومافكّر فيها ومن كثر ماهي معصبه عطتنا هالقنبلة
** تصدقون الإنسان إذا بغى يطق واحد سنة 2006 شوفو شيسوي.. طلع شي يديد تدرون شنو يفرك خمّته بالأرض مو يفرك رمّته بالأرض ديروبالكم الأولى وايد أقوى واتعوّر هي هي
** ماشد الراجد هذا مطرب يديد هي هي لا أضحك معاكم بس راشد الماجد غيّر اسمه لماشد الراجد سبحان الله شلون مادري
** الشباب هالأيام هابّين بنفش شعورهم سبايكي وحركات الحمدلله والشكر (الهبّز)، أكو وحدة مسكينة من كثر ما هالآدمي شكله غريييييب تناديني تقولي بصوت عالي شوفي هذا شلون نافس سوسته يعني نافش شوشته
** واقفة بلعوم بعظمي ------> واقف عظم ببلعومي ...مادري شقول هم هذي معلقه على نفسها يعني بتقول الموقف حق أمي مسكييييييينة محّد رأف بحالها مسخرناها تمسخر خنت حيلي
** أكو ------> ألو ...هذا مصطلح تقولونه لما تشيلون التليفون مو تنسووووون هم هذي من حركات 2006
** هذا واحد من كثر ما يخربط.. بيصلّي بدال لا يقول الله أكبر قال ألو ...استغفر الله وينكم ووين الخشوع لاحول ولاقوّة إلا بالله ...الخبل مفضوح
** وحدة تقول من الخرعة ديري بالج لا يلف عليج الروري ------> اللوري والله مسكينة على الأقل ما شسمة البدلية أهوننننننننننن
** أصكّج على كف ويهج ------> أصكّج كف على ويهج (هي هي هي هالواحد معصب حدّة بس قط هالبدلية قلبناها ضحككككككككككك) .... أصكّج=أضربج
** وحدة بتخطب تسأل بنتج ظعرها شويل؟! ------> بنتج شعرها طويل؟! ...تكفين يعني ما تعرفين تيين تطالعين بعيونج وتسكتين لازم هالشرط.. هي هي عاد عقبها ماشفنا رقعة فيسها
** عطلة العيد الوطني بدّلوها خلّوها عتلة العيس الوطني هي هي والله حاله
** يمنك ------> يمكن هذي البدلية الله يسلمكم يمنك آآآ يمكن عادتني الله يهداها :) مرّت على بعضكم فحبيت أذكرها لكم جذيه أتحرّش في بعض ناااااااااس
** عاد أقولكم إن اللغة العربية الفحصى سهله جدا جدا والإنسان صج يفضّل إن يتكلّم بالعامية لإعتقاده بأن هاللغة صعبة.. فلا تنسونها هذي اللغة العربية الفحصى.. هي هي هي هذي بعد بتحرّش فيها ببعض ناس لووووووول
في النهاية يظل الإنسان خطّاء ولسانه يغلط بأشياء وايد منها اللهم ابعدنا عنها البدليات وإللي آنا ذكرتها كنوع من المرححححح والضحككككك ليس على الأشخاص بحد ذاتهم ولكن على بدلياتهم العنييييييفة إللي قالوها وإللي تخلّي الواحد غصبببببب يضحك.... عموما هذي مقتطفات من قاموسي المتواضع.. نراكم لاحقا..
ترقّبوا الجزء الثاني لــ أرشيف من الماضي
-
posted by ana_sokkarah at 1:29 PM
.JPG)
27 Comments:
لوووول والله ذكرتيني بالذي مضى.... عاد مادري وين الدفتر مالي.. ميخالف أصور دفترج؟ :P
أذكر واحد من ربعي قط خوش بدلية... كان بيقول ولد عمي جان يقول بلد عمي
بلد الله يهداك عاد؟؟ خو قول بنت عمك ليش مستحي يعني :D
loooooooooool
9ara7aaa 5ooosh sowalf :P
shaklch ba3d hal post kelaa badleyaat :P
yalaa na6rean albajee b3d
nice work
حسون:
هلا وغلا خوش ذكريات مو!؟.. إي والله ليت الشباب يعود يوما ..
أهم شي بلد ..حسافة لو قايللي جان حطّيت بدليّة رفيجك مع اللسته..لووووووووول
cosimfree911:
أهلا عاش من شافك.. شفت عاد هذي المراهقــة ووهذي سوالفهــا ماكــو شغــل..
أما الجزء الثاني فنطروا شوي علي يايكم بالطريج إنشاءالله
وأتمنى يعجبكم .. وأهم شي عندي تستانسون..
مشكورين على المرور ببلوغي :)
وايد حلوه الفكره....مبتكره.. اكو بدليه راسخه ببالي وهي شابون وصامبو وقالها واحد .. من عشر سنين ووللحين نضحك عليها وهي صابون وشامبو واتحدى تنعاد... هي هي
لوووووووووووووووووووووول أمبيييييييه أمبيييييه مت من الضحك سكرة انتي بتستاثمين فيني لوووووووووول
والله ياني تشنج ببطني وخدودي لووووووول
لااااااا وانا أقووول ليش صاحت إذني أثاريج يايبة طارييي ببوستج
أمبيه لو تشوفين ويهي الحين .. دموووووع وحالتي حاله ما أشووف و تننننك صدري من الضحك .. من ويييين لقطتي بدليتي انا بعرف من وييين؟ ويمنك هاذي بدلية وحدة أعرفها شلووون طحتي عليها هااااااا؟ بدعتي سكرة والله بدعتي
بس أحلى شي مالت الطيارة فووووول ههههههه
ناطرة منج الجزء الثاني والعاشر بعد لما تحطين اللي بالدفتر كله ^_^
لووووول
ضحمتينا اختي :)..
عيل سمعي البدلية القوية توها طازه من واحد من الربع :) ..
تخيل الفوق ينط عليك من جلب
" يعني تخيل ينط عليك جلب من فوق "
كاااك
وهذي اول زيارة لنا اتمنى تكون خفيفة عليكم :) ..
mo7m7:
مشكور وايد على الكلام الحلو :)
هالبدلية ذكرتني بكلمة دايما نغلط فيها وإهي (عسان = على أساس وعشان بنفس الوقت) شنو تنبط جبدي وايد أسمعها وهالبدلية الناس مصرّين عليها وماتتبدل بالصح أبدااااااااا :)
سولو:
أحلا حبّي شلونج شخبارج نوّرتينا يالغلا كله ..
لالالالالا سلامات جذيه تحسسيني بالذنب لايصير فيج شي عمري ديريبالج على نفسج ..وآنا ليش يتني هالفكرة عشان تضحكون وتستانسون وأهم ماعلينا وناستكم وفرحتكم..
هي هي هي تصدقين وآنا أكتب البدليات تذكرت بدليتج إنتي و..!!؟! وكتبتها شسوي لازم نتحرّش شوي .. بس حلوة بدليتج أعلّمهم شقلتي ؟؟ لووووووووووول
بوجسوم:
هلا والله وحياك الله بأي وقت.. أفا عليك إذا ماشالكم البلوغ تشيلكم عيوني عزيزي ولو .
أما هالبدلية عجيييييييييية مت من الضحك صج قوية لوووووول بس بسألك (ضحمتينا) هذي شتطلععععععععع .. لوووووووول..
حياك الله ونورتنا :)
مشكورين ياجماعه على المرور ببلوغي والتعليق الصراحة شرّفتوني بهالزيارة:) وانشاءالله ماتكون الأولى دووووووووم إنشاءالله وأتمنى أكون عند حسن الظن وابراز بلوغي بأحسن صورة ترضي الجميع
(*^_^*)
هههه حبيبتي والله سكرة
عااادي قوليلهم شنو قلت
وزيدي هالبدليه توني قلتها
تموط من الضحك ----> يعني تموت من الضحك
لوووووووووووول
شفتي شلووووف مادري شللي ياينا على هالبدلياات مو مترقعيين كلللللش
;P
اختي ضحمتينا هذي ضريبة قرائت موضوعج وتطبيق عملي له وبمعناته ضحكتينا لووول ...
وشكراً عالترحيب :) ..
هههههههههه
خوش تماممم
كثرى من هالسوالف
هههههههه
وتكفين كبرى الخط ترى كبر النملة غصب قدرت اقرى البوست
سولو:
أما بدليتج على قولة بوجسوم البوست أثر عليكم هذي ضريبة قراية بوستي لووووول
حبّي في ناس راح يقرون ويعرفون أي بدلية قلتيها خلّيهم يفكرون ليش نقولهم :) .. ياجماعة إللي يعرف أي بدلية قالت سولو يفتّن اهني أو بالإيميل لوووووول ناطرة أحد يعرف مو قلت لكم أصيّد بأي مكان ألحين ثبت لكم هالشي يله بنشوف :)
بوجسوم:
لووووووووووووول جذيه أثّر فيكم والله حالة عيل لاتقرى الجزء الثاني ترى أقوى من هذا هي هي هي
وحياك الله ولو ما قلنا شي حق وواجب نرحب فيكم :)
كظماوي:
انشاءالله تامر أمر بالجزء الثاني أوعدك يصير أكبر :)
بس أول شي بعرف متى عيد ميلادك عشان أشتريلك نظّارة خو الكبر شيييين خو المفروض ما تفضح نفسسسسسسسسسسسك :) لوووووووول شوفني آنا ما أعذرب عشان محّد يصيدني بشي :) عشّوووون عيل
لووووووووووول لا أتغشمر والله كظماوي أتشاقى وياك :) هي هي هي
الحلوة:
هااااي عمري وين هالغيبة شدعوة ماتمرين علينا؟
شفتي مثل ماقلت لكم المراهقة وسوالفها وخو ماكو شغل خو :) شنسوي
يله عاد ناطره ايميلاتج عشان الجزء الثاني :) أبي بدليات تحفففف شي ما انقال وقوي :)
تسلمين عمري الله يقويج ويخليج وبيت مكة يودّيج :)
ماشاء الله عليج شافطة نص بدليات الديرة.بصراحة موضوعج حلو هه شكرا وخشي دفترج ترى العين عليه .
يا هلا ويا مرحبا فيك يا عادل أول مرة تزور بلوجي ونورتنا بهالزيارة..
ومو قلنا مراهقه وماكو شغل خو.. وبالنسبة للدفتر ترى حقوق الطبع محفوظة بس عشانك أأجره بالساعة 20 دينار خو تعبي وشقاي كل هالسنين خو.. بس بسألك شرايك ببدلية الفحصى ترى هالبدلية لاجحتها من بلوجك قالتها وحدة .. وحدة .. عرفتها؟ هذي اللي قالتها بعد جم يوم نقول عنها (الله يذكرها بالخير) عرفتها ولا أقولك؟ لا تخليني أهقا ان ذاكرتك ضعيفة
وحياك الله مرة ثانية وعزيز وغالي
سكره ،،
بــــدعتي ... ناطرين الثاني ؛)
لووووول ...و ضيفي هاذي للقاموس ...
بقول (توم اند جيري) جان أقول (جوم أند تيري ) خخخخخ :)))
يسلمو ،،
هلا والله تيستي
إنشاءالله راح أضيفها عمري وأضيف كل البدليات إللي بهالكومنتس إللي عندي ومايصير خاطرج إلا طيب
:)
مشكورة على المرور عندي وحياج الله بأي وقت
الله يسلمج حبّي وإنشاءالله قريب الثاني بس باقي أتأكد من عدم وجود أخطاء إملائية ويكون جاااااهز :) قريب
حياج الله
والله من ناحية البدليـات انا خبيــر بدليـات كـل يـوم بدلية علي الطاير
علي سبيل المثـال ليفربول .. صارت ليفرفول:)
هلا خالد مشكور عالزيارة نوّرت البولق الصراحة :)
هي هي عادي وايد ناس يبدلون بس مو قنابل تصير علّوقه على الواحد :) .. وإنشاءالله ما أكون منهم خو من عاب ابتلى والله يستر .. من كثر ما كتبت بدلياتهم وأعلّق عليهم خايفة أصير مثلهم ..أما بدليتك عنيفة :).. لووووول
عموما شكرا على المرور وحياك الله :)
ظحكتيني ولا على اللي بيصلي وقال ألو
هذا كلش موليييي موليه
في انسان كبير ..اقصد اكبر مني
ووايد احب سوالفه
لوتذبحينه ما يقول نفنوف
دايم يقول نهنوف
ليش مادري :)
السلام عليكم ....
مريت بسرعة لان ماعندي وقت اقرى البوست ...بس حبيت اسلم وارجع تالي اقرا بتمعن
تحياتي
صج انا سكرة لان بدليات العايلة الكريمة ناااااااااااار :)))
عتيجة:
هلا والله عتوج هاذي الساعة المباركة مرورج عندي حبّي .. إذا إللي يصلي عجبج عيل اقري الجزء الثاني بتفطسين من الضحك :) .. لووووول يحليله هذا يونس نهنوف اتينن الكلمة اعجبتني :)
ولكم فيج ببلوقي عمري منورتنا
بوصالح:
وعليكم السلام .. أهلين والله بوصالح حيّاك الله زارتنا البركة والله نورتنا :)
(بوصالح بوصالح ياهلا ومرحبا بوصويلح )
ولو حياك الله انشاءالله لو بس تحط كومنت فاضي راضية كافي مروركم عندي يسوى كل شي :) خو انتو الخير والبركة.. بس أهم شي اذا فضيت وقريته عطني رايك لأن البوست الثاني قرّب وأبي ملاحظات عشان أتفاداها فيه :) .. تحياتي بوصالح
مشاري:
هلا والله مشاري شفت شلون بدليات العايلة الكريمة عنيييييفة حدها هي هي.. بلّه أنلام آنا لما سوّيتلي قاموس :) .. لوووووووووووووول
ولاتنسى ساهموا فيه بعض أفراد الشعب الكويتي والمتواجدين بكثرة في المجمعات والجمعيات وغيرها من الأماكن العامة .. حيّاك الله ويانا انظم للقائمة إذا عندك شي ولاّ كلامك مشفّر مثلي ماتغلط (لووووووووووووول) الله يستر مني آنا شكلي عقب ما أكتب الجزء الثاني ببدل التشفيرة للحماية من أعراض البدليات :)
حياك الله
شيء جميل
( ما ظيبتي خننا فيكِ )
يللا هدية مني ضيفيها عندك
مدونتك خفيفة الظل وممتعة
تحياتي
مأمون المغازي:
يه يه يه وجه جديد على ساحتي الفنية آآآآ أقصد في ساحة بلوجي المتواضع هلا فيك وحياك الله عزيز وغالي والله :)
لوووووووووووووول شهالبدلية أمبيه حدها عنيييييييفة عجبتني وبحطها بالقائمة :) هي هي تينن مشكور على الهدية الحلوة وراح أضيفها بالجزء الثاني انشاءالله واللي اشرف على الإنتهاء :) .. وشكرا على كلامك الحلو عزيزي الصراحة أحرجتني (*^_^*) .. حياك الله وانشاءالله مايكون أول مرور لك عندي
نبي طلّتكم البهيه عندي ياجماعة والله تنوروني
وينج يالسكرة
غطيتى يامعود ما صارت جزء ثانى
تعالى يلاا ترى طالت الغيبة
:)
وبعدين عيد ميلادى على قولتج طاف
كان بشهر اربعة :)
This comment has been removed by a blog administrator.
السلام عليكم ...
كتبت الرد وبشكل مطول لكن لما حطيته اكتشفت فيه بدليات خطيرة فمسحته :)
الظاهر موضوعج عاداني
تحياتي
Excellent, love it! used radar detector Frame relay cisco Female group pissing radar detector legality Calculate body fat percent tape measure Spongebob jacket Cheap cordless phone with answering machines 3 phase 70 amp enclosed circuit breaker Jewelry party artesia handbag purse parties new mexico anchorage running Interior design baltimore Giant diamonds Buy a nissan quest Craps cold table Arena football league history zolpidem+ambien Free virus and spy ware scanner information for lamictal
Post a Comment
<< Home