Mn_SoKKaRaTy
Sunday, April 08, 2007
اعتقادات الطفولة
اشكر الأخ محمد بن سالم على اختياري وتوهيقي بهالتاق واللي ماكنت اتمنى يصادفني فيه أحد.. بس يله اهي صارت (بيتزا بيتزا.. شكو سكره يوعانه؟ إييي والله يوعانه.. لوووول).. لا بالعكس عزيز وغالي اخوي محمد وهذا شرف لي والله يستر.. {اعتذر عن التأخير}.. باسم الله بدينا يالله عونك
~~~~~~~~~~~
آنا وأعوذ بالله من قولة آنا طفولتي كانت هادية بشكل ماتتصورونه الحمدلله ماكنت أأذي أحد أو أزعج أهلي بسوالف اليهال ولويتهم مثل اللي أشوفه بعيالنا ألحين واااي اسم الله عليهم لويه بلويه مزعجين بدرجة كبيرة
وماكنت وكيحه ولاهم يحزنون بس كانت توردلي أفكار وأشياء كثيرة خو يهال وبنكتشف الدنيا
~~~~~~~~~~~
آنا وأعوذ بالله من قولة آنا طفولتي كانت هادية بشكل ماتتصورونه الحمدلله ماكنت أأذي أحد أو أزعج أهلي بسوالف اليهال ولويتهم مثل اللي أشوفه بعيالنا ألحين واااي اسم الله عليهم لويه بلويه مزعجين بدرجة كبيرة
وماكنت وكيحه ولاهم يحزنون بس كانت توردلي أفكار وأشياء كثيرة خو يهال وبنكتشف الدنيا
~~~~~~~~~~~
انزين خالأقوللكم وآنا صغيرة شكان تفكيري
~~~~~~~~~~~~~~~~~~~~~~~~~~~~~~~~~~~
لما كنت بالروضة طبعا الكل انسأل هالسؤال سواء بهالسن أو أكبر {شنو بتصيرين لما تكبرين؟؟....} تدرون شنو جوابي لوووووووووول حدي شاقحة فوق مادري من بنته.. كنت دايما أقولهم بصير نفس بابا جابر (الله يرحمه) يعني بصير رئيسة دولة.. هي هي شنو ماكو وظايف.. لأن أشوفه (رحمة الله عليه) بالتلفزيون وناااسه يمشي وعسكريين معاه وحرّاس حوالينه
~~~~~~~~~~~~
باعتقادي ان لما اشرب ماي أصير طويله.. شكو مادري صج يهال
~~~~~~~~~~~~
كنت احسب ان اللي بالتلفزيون يشوفوني عيل ليش لما أتحرك يمين أو يسار يحرك عيونه معاي ويطالعني
~~~~~~~~~~~~
كنت اعتقد ان الوحوش اللي بالأفلام اذا لمست الشاشة راح يعضوني
~~~~~~~~~~~~
كنت احسب ان المرأة اذا كلت وايد وايد تييب بيبي.. هذا وماخفي أعظمممممم كثير من الإعتقادات على هالموضوع.. لووووووووول
~~~~~~~~~~~~
دايما باعتقادي ان لما اسكّر عيوني محّد يطالعني فلما كنّا نلعب صيدة مصيدة وخشّيشه ببيت يدّي وما ألقى مكان أخش نفسي فيه كنت أغمّض عيوني عشان محّد يشوفني والمشكلة فعلا محّد يشوفني.. لوووول
~~~~~~~~~~~~
يوم كان عمري 3 سنوات.. لما أطالع نفسي بالمنظرة أحسب ان اللي أشوفها مو آنا وحدة ثانية وأسأل نفسي ليش هذي لابسة نفسي وتقلّدني..لووول هذا الينون بعين وعلمه
~~~~~~~~~~~~
كنت أفكر أن لمن أغوص بالماي أصير سمجة.. تدرون مرة سويتها والله ستر جان ماكو سكّره ألحين بغيت أغرق إلاّ شوي.. شهالغباء
كنت أفكر أن لمن أغوص بالماي أصير سمجة.. تدرون مرة سويتها والله ستر جان ماكو سكّره ألحين بغيت أغرق إلاّ شوي.. شهالغباء
~~~~~~~~~~~~
لما نرجع من الزوارة من بيت يدي أشوف القمر يلحقنا ليييي بيتنا وأقول حق أبوي يبه ضيعه يضحك علي يقول اهو ثابت يابابا واحنا اللي نتحرك.. لوووووووول حزتها ماكنت فاهمه فسكت عشان ماأبين اني مومستوعبه هالشي نطرت لما درست وعرف وتذكرت غبائي
~~~~~~~~~~~~
كنت اسكر التلفزيون اذا كنت اتابع واحد من باباياتي اللي احبها (بل وسباستيان-جونقار-قراندايزر-بومبو-اسألوا لبيبه-هايدي-فلونه-تانتان-توم وجيري-بطّوط---الله بابايات اتينن) يتسلطون علي اهلي يله بنمشي بنطلع ونخلّيج اسكر التلفزيون عشان مايطوفني شي ولما ارجع ابطله ولاّاا رايح يضيق خلقي وافكر الحين موسكرته شلون خلّص
~~~~~~~~~~~~
يوم كنت بالإبتدائي لما سافرنا اسبانيا اسأل نفسي شلون عيالهم الصغار يعرفون يتكلمون اسباني مثل الكبار بس ماكنت اتخيل نفسي شلون اعرف عربي
~~~~~~~~~~~~
كنت لما اشوف العسكريين معاهم اسلحتهم ما أخاف لأن باعتقادي انها ألعاب (مثل قراندايزر وجونقار)
~~~~~~~~~~~~
كنت لما انام اغطي ويهي اخاف من النجوم لأن قالولي انها تطلع ثواليل بالويه
~~~~~~~~~~~~
ماكنت ادري ان ابوي اهو اللي يسوق أحسب ان نقولها وين بنروح واهي تودينا
~~~~~~~~~~~~
كان باعتقادي ان الكتشب عبارة عن دم فما أحب آكله
~~~~~~~~~~~~
كنت اعتقد ان ورا آلة السحب الألي شخص يقوم بالعملية المطلوبه
~~~~~~~~~~~~
مرة كنت ألعب بالقمرة وشفت ظلالي حسبته ينّي باسم الله الرحمن الرحيم اللهم احفظنا تعقدت عقبها قمت أخاف من الليل والظلمة لا زاد الطين بله قمت أخاف من المطر القوي والبرق والرعد شكو مادري بس كلهم كان سببهم اني شفت ظلالي.. لوووووووول
~~~~~~~~~~~~
أقولكم سر بس ماتعلمون أحد كنت وآنا صغيرة آكل الصخر الخفيف مو اليابس وأحب الغبار والله كانت أمي دايما تزفني انتي شتسوين تصدقون مادري شالحكمه من هالشغله بس اللي اعرفه اني استمتع وكأنها وجبه وأتلذذ فيها.. إي مو من التراب أتينا وإلى التراب نعود خلاص بعد شنو.. لوووووووووووول
~~~~~~~~~~~~~~~~~~~~~~~~~~~~~~~~~~
أدري اعتقاداتي كثيره وطولت عليكم بس حاولت أجمع أكثر الأشياء اللي أذكرها عدل.. وأدري بتقولون هذا وإهي طفولتها هادية وجذيه عيل لو كانت وكيـــحه شبيصير.. وييييه جان يننت أمي وأبوي من كثر ما أسألهم بس الحمدلله كنت أحاول اكتشف بنفسي الجواب على اعتقاداتي الطفولية والغبية
~~~~~~~~~~~~~~
اتمنى انكم استمتعتم حقا بقراءة معتقداتي وشكرا لك مره ثانيه أخوي محمد على اختياري.. والله صج ذكرتني بطفولتي.. شفت ماتهربت وجاوبت بس ان شاءالله أحصل على العلامه الكاملة.. أديت واجبي وسويت اللي علي واترك لكم التعليق ووضع الدرجات لهالتاق.. والدرجة ترى من 100.. يارب يعجبكم
أدري اعتقاداتي كثيره وطولت عليكم بس حاولت أجمع أكثر الأشياء اللي أذكرها عدل.. وأدري بتقولون هذا وإهي طفولتها هادية وجذيه عيل لو كانت وكيـــحه شبيصير.. وييييه جان يننت أمي وأبوي من كثر ما أسألهم بس الحمدلله كنت أحاول اكتشف بنفسي الجواب على اعتقاداتي الطفولية والغبية
~~~~~~~~~~~~~~
اتمنى انكم استمتعتم حقا بقراءة معتقداتي وشكرا لك مره ثانيه أخوي محمد على اختياري.. والله صج ذكرتني بطفولتي.. شفت ماتهربت وجاوبت بس ان شاءالله أحصل على العلامه الكاملة.. أديت واجبي وسويت اللي علي واترك لكم التعليق ووضع الدرجات لهالتاق.. والدرجة ترى من 100.. يارب يعجبكم
-
posted by ana_sokkarah at 9:28 PM
.JPG)
30 Comments:
لووووووووووووووووووووووووووووول
امبيه طفولتج كانت عجيبة
هذي وطفولتج هادية جذي
الله ستر عيل
PearL
هاهاهاي شفتي بس عادي ماسويت شي جايد هذي كلها اعتقادات مو شطانه
ورب الكعبة ضحكت بقلبى ضحك
ترى انا مو اى شى يضحكنى
عليج خفة دم :)))))
من صجى
يعنى كل ما اقرى شى اقول هذا اللى باعلق عليه يطلع اللى بعده اقوى
بوس قوى الصراحة واحلى توهيقة :))
دمت بسعادة وابتسامة جميلة :)
mishari
فشيييييييله (*^_^*) انحرجت طفوله ولا أحلى منها.. هي هي صج تحس انه تفكير يهال وطبعا هالأشياء وأعمار متفاوته
لووووووووول أشوه دمي خفيف يختك إي ضحكوا شماخذين منها يعني
شفت الفضايح كنت كاتمه هالسوالف وماخفي أعظم يامشاري بس انفضحت.. صج ضحكتوا علي بس يله المهم استانستوا وعسى الله يديم عليكم هالضحك والفرح والإبتسام يارب
ههههههههههههههه
والله انك احلى سكرة في الدنيا..
احلى شي تبين تصيرين مثل بابا جابر
الله يرحمه . .. مشكورة على حلك للواجب
و تستاهلين الدرجة الكاملة و جمبها
نجمتين..
محمد بن سالم
هي هي عشّون عيل أعجبك آنا إذا ما شقحت لي فوق وطرت وطالعت اللي أعلى مني شلون يصيرلي هدف بحياتي وأكافح وأوصلّه.. لوووووول عاد هذا مو أي هدف عاد.. هاهاهاي
:)
الحمدلله خذيت الدرجة الكاملة لاا وفوقهم نجمتين يابختي من قدّي
:)
شكرا لك عزيزي محمد وسامحنا عالتأخير في حلّه
عجيبه افكااااااارك
الحين عرفت سرك .. انك تاكلين الصخر اليابس وتحبين الغبار
انا اول مره ازور مدونتك وحبيت هذا الواجب حيل وحليته بعد
يعطيج العافيه
اشوى ان هناك من هو أسوأ مني
ههههه
:)
طفولة بريئة
بس شكلج ما تسأين وايد من جذي .. تكون اجاباتج من تفكيرج
يمكن اكون غلطان
بركــان
wo0ow e9ra7ah e3tgadatg edl 3la thkaeg >>> tra 9j mo a6nz =D
95% that's your grade
ترى فيه موضوع راح يعجبك عن رجال
الدين و اتمنى انك تقرأيه في مدونتي
المتواضعه..
سكرة الكبير كبير وانتي كبيرتنا
my sold
هلا فيج عمري ياهلا بريحة السعودية كلها ياهلا وحيالله من زارنا نورتينا وانشاءالله ماتكون الأخيرة
@@ أمبيه انفضحنا.. لوووول عاد لاتعلمون أحد هذا وآنا صغيره بس مولين كبرت.. هي هي
الله يعافيج حبي ونورينا دوم
بـركـــــان
لوووووول يعني آنا أسوأ منكم أمبيه
هاهاهاي (*^_^*) انحرجنا بهالبوست
pinky@
لوووووووووول من صجج والله؟؟ الله يجبر بخاطرج ياعمري ونستيني
محمد بن سالم
عزيز وغالي والله ياخوي وكاني بروح بقراه مع اني قريت أمس نصّه بس ألحين بكمله.. لنا الشرف بزيارة مدونتك والله
:)
ولله طموحكـ عالي تعجبيني .. ماتدرين ممكن تتزوجين أحد من الاسره الحاكمه :)
المراية حكايتها حكايه ..ههههههه
it's so funny
انا اللي اتشرف بزيارتك طال عمرك
100
من
100
:)
خوش ذكريات
بس أحلى شي إنج ذاكرة موقف
لما كان عمرج ثلاث سنوات
:))
ودمتم بحب
الصراحه فعلا استمتعت ...سؤال عارض
يوم كنتي صغيره عندج تعثر دراسي بمادة الرياضيات ؟؟؟
pastel
لووووول ليش لأ إذا واحد من الشيوخ كان يبي عمتي فممكن ليش لأ يمكن يحوشنا شي.. هي هي
ثانكس كثير عالمرور زدتونا نور
:)
محمد بن سالم
شكرا كثير على هالكلام الطيب هذا من طيب أصلكم والله عزيزي
تحياتي :)
sologa-bologa
هاهاهاهاي وأهم شي انك يعني بتجكني.. لووووول
:)
يبه آنا مابي أكتب شي بالتفصيل لكن سألت الوالدة الله يخليها يوم كنت بسن 4 سنوات وأصغر شكنت أفكر فيه وشنو كانت اعتقاداتي فقالتلي وكتبت لاتخاف ترى ماأجذب ولا أحب الجذب والعجاف وهذا موصاروخ والله.. يحليلك ياسلوقا
:)
الله الدرجة الكاملة ماقصّرت استاذ سلوقا والله انك خوش استاذ أتشرف باستاذ مثلك وأسعدني كثير تواصلك
3ateeja
ياهلا بعتّوج منورتنا عمري دووووم ان شاءالله السعادة
لأ بالعكس من كنت صغيرة لين تخرجت من الكلية ودراجاتي بالرياضيات فل مارك الحمدلله عبقرينو رياضيات الله يسلمج.. بس ليش يعني هالسؤال العرض؟؟ ممكن أعرف
بسم الله الرحمن الرحيم
اختى انا صج اول مرة ادخل مدونتج بس صراحة الموضوع وايد حلو وذكرتينى بايام طفولتى نفسج كنت احب اكل التراب خاصة بعد ما ينزل المطر والحصى بعد واشم ريحة التراب بعد المطر وامى الله يرحمها كانت تجنن لما تشوفني اسوي جذي . والله كنت لما اشوف النسر الذهبي اقول لهم انا النسر الذهبي وكنت اتخيل ان حكيم الاقزام موجود وادور اي حفرة في البيت اقول الحين بيطلع وبنستوي اصدقاء والله ذكرتينى بذكريات طفولية برئية وجميلة.
مع تمنياتي لكى بالصحة والعافية
لا سلامتج ماكو الا العافيه
;p
منى
هلا والله عزيزتي المكان مكانج عمري بأي وقت تنورينا
لوووووووووول أشوه في نفسي وايد هي هي.. أما حكيم الأقزام هذي عجيبه هاهاهاي صج طفوله يختج ياليتنا نرجع صغار وناسة
الله يعافيج يارب ويرحم الوالدة بواسع رحمته ويسكنها فسيح جناته
جد اسعدتيني بزيارتج عمري وان شاءالله ماتكون الأخيره
3ateeja
الله يسلمج عمري انتي.. عاد ألحين بعرف ليش وشالسالفة يختج كونتاكت مي على الإيميل بليز وقوليلي لاتقولين لا عادي ماكو شي أقووولج لااااا السؤال مايه من عبث أكيد في شي
:)
عاد الحين صابني الفضول
قمة البراءة كانت طفولتج
ههههههههههههه
زوقه
:)))
charisma
لووووووووووووووول امحق براءة قولي قمة في الغباء الطفولي هاهاهاي بس الحمدلله هالغباء تعلمت منه وايد وما أثّر على مستواي الدراسي
الله عليج ياكاريزما لوحاطه صورتي جان قلتي زوغه عدل والله صج مو ثقه زايده بس قلت لا مابي أحطها ألحين عندي موضوع ان شاءالله بالمستقبل وبحطها والحامل تاخذها وتجابلها والله كنت كيوته
ههههههههههههههههههههههه
انتي عجييييييييييييبة
وعليج اعتقادات وسوالف اعجب
الله يحفظج لأهلج
Alfajer alba3eeed
الله يسلمج حبي
الساعة المباركة نورج علينا عمري
Post a Comment
<< Home